昌發泰國粉麵屋

营业中

休息中

上星期一，又好想食泰菜。于是义工过后，就两个人去九龙城食泰菜。十二点半到，无咩人，有d泰国人。要了一个海南鸡饭、游船河同青木瓜沙律。海南鸡饭先来，有个萝卜清汤。份量好多，连后面个男人都食唔晒成碟。鸡饭同马来西亚𠮶d有d唔同，无咁浓鸡油香。但就好香香草味。饭粒分明，可口。鸡不会太肥，多肉，好香，好嫩滑。游船河，好多时都会食。钟意佢浓底够浓味，也带鲜甜，也有香草味。有肉丸、肉片同猪润。肉丸不错，猪润唔太老。河粉粗粗的，但唔系一片片，都不错。仲有通菜同芽菜。青木瓜沙律，辣到喷火。我地都算食得辣，但都辣到喷火！青木瓜爽口，酱汁酸酸辣辣，但略嫌唔够酸，可以自行加辣椒醋。