康樂茶餐廳

营业中

休息中

今日又系去旺角开工，喺旺角闹市要揾一间又冇咩人，又唔洗等又平靓正嘅食店实在唔容易。同同事行行吓就入咗嚟呢一间位于旺角街市后面嘅餐厅，望落去都企企理企应该实无死。入到去系几好招呼嘅，先放低一碗红萝卜青萝卜汤，都算系有少少诚意之作，但系个正餐真系吓左我一跳。我叫咗一个上海粗炒，冻柠茶。放到系我面前我心中都打咗个突，望落去根本唔系上海粗炒，而系一碟如假包换的豉油炒乌冬! 老实讲第一下嘅感觉系以为佢攞错咗俾我，食落去我确实一定系一碟乌冬! 而且系淡而无味，我肯定上海粗炒我煮得仲好食过佢，兼且真系唔可能用豉油炒乌冬代替上海粗炒卦，呢间野真系应该都唔会再去。