香格里拉米線專門店 (已結業)

再次帮衬香格里拉,试下未试过既配料,今次新野就点左煎猪扒,照旧既系秀珍菇同埋司华力肠…菜又系五蚊,菇又系五蚊,蛋又系五蚊,肉又系五蚊,令人觉得煎猪扒好似好抵咁,不过,原来系好薄架,而且都几细块,我估唔到佢可以切得咁薄啰,都几有技巧啰真系…好在,味道方面唔错,虽然话系煎,但系都唔系煎得好利害,基本上唔系好油,同埋整得几淋,好易咬;秀珍菇真系每次黎到都唔舍得唔要,第一系出面少有,第二系佢真系份量好多㖞,食下食下,菇都可以令你饱左唔少;司华力肠大大条又好味,而且又系少有,梗系要食啦,讲真,呢度既司华力肠的确几好味,佢无特别煎过炸过腌过整过,反而原汁原味,值得试下!另外,今次贪新鲜,要左面,竟然有惊人发现!!食食下,发现个面有几条变左色, 面条上有紫黑色一点点野啰,好惊!即刻拎走果箸面,但系无出声呀,因为以咁既价钱同服务,出左声都应该无乜用卦…不过下次都系食番米线或者米粉好D咯…(以配料计,本来都可以俾个笑脸,但系因为个面既关系,都系OK算吧!)