影片
更多
2021-09-01
543 浏览
喺半路咖啡发生啲非常唔愉快嘅事😵💫半路咖啡都开咗一段时间又有几间分店，我知道呢间cafe嘅餐具富有香港上世纪复古风格，好有特色，佢哋嘅咖啡亦都好出色，所以去朝圣，唔饮咖啡嘅我都落单叫一杯咖啡试吓饮🥸因为我想坐得耐少少，但系又想喺九龙区，就拣咗去何文田𠮶间，空间大啲，又冇人会企喺外面等位👍🏻意粉好食，我朋友饮开咖啡都话呢度咖啡真系好好饮，而家讲正题本身我同我朋友两个人嚟呢度，我哋食完野、饮完野之后，有另一个朋友话过嚟，咁我哋帮佢叫定一杯咖啡，咖啡上台时，佢仲未到，迟嚟𠮶位朋友到场佢有饮杯咖啡，佢坐咗一阵，有位女职员比餐牌佢睇，都冇问题嘅，咁都系俾佢睇吓有冇啲咩想叫，我朋友冇嘢想叫，都系过嚟坐一阵就走到我哋走埋单嘅时候，个女职员话迟嚟𠮶位朋友冇叫嘢食同叫嘢饮，我哋话叫咗三杯咖啡，迟叫𠮶杯咖啡系佢未嚟帮佢叫定，你哋个女职员仲坚持话迟叫个杯咖啡，系我哋原先坐系度𠮶两位人士饮，你睇唔到就咪乱讲啦，舖头有闭路电视你咪去睇啰😤😤😤仲有如果最低消费每人一杯嘢饮，数目都已经够数，仲要执着系边个人饮边杯，如果迟黎𠮶位朋友佢嘢饮都唔想饮或者唔舒服，净系坐，我哋都已经叫够饮品数目，咁多年嚟我帮衬餐厅都未试过
半路咖啡都开咗一段时间又有几间分店，我知道呢间cafe嘅餐具富有香港上世纪复古风格，好有特色，佢哋嘅咖啡亦都好出色，所以去朝圣，唔饮咖啡嘅我都落单叫一杯咖啡试吓饮🥸
因为我想坐得耐少少，但系又想喺九龙区，就拣咗去何文田𠮶间，空间大啲，又冇人会企喺外面等位👍🏻
意粉好食，我朋友饮开咖啡都话呢度咖啡真系好好饮，而家讲正题
本身我同我朋友两个人嚟呢度，我哋食完野、饮完野之后，有另一个朋友话过嚟，咁我哋帮佢叫定一杯咖啡，咖啡上台时，佢仲未到，迟嚟𠮶位朋友到场佢有饮杯咖啡，佢坐咗一阵，有位女职员比餐牌佢睇，都冇问题嘅，咁都系俾佢睇吓有冇啲咩想叫，我朋友冇嘢想叫，都系过嚟坐一阵就走
到我哋走埋单嘅时候，个女职员话迟嚟𠮶位朋友冇叫嘢食同叫嘢饮，我哋话叫咗三杯咖啡，迟叫𠮶杯咖啡系佢未嚟帮佢叫定，你哋个女职员仲坚持话迟叫个杯咖啡，系我哋原先坐系度𠮶两位人士饮，你睇唔到就咪乱讲啦，舖头有闭路电视你咪去睇啰😤😤😤
仲有如果最低消费每人一杯嘢饮，数目都已经够数，仲要执着系边个人饮边杯，如果迟黎𠮶位朋友佢嘢饮都唔想饮或者唔舒服，净系坐，我哋都已经叫够饮品数目，咁多年嚟我帮衬餐厅都未试过发生啲咁嘅事，唔好话我问题，如果呢样嘢发生喺其他人身上，我相信其他人都会嘈，人哋已经叫够咁多个数目你又理得边个饮边个食、边个食边样边个饮边杯。有时一齐坐埋黎食嘢，有啲人食得多，有啲人食得少，可能有人唔舒服，唔想食，咁总之叫够数咪得啰😒😒😒
我唔知咁样做系呢一间何文田店嘅政策定系四间半路咖啡店都系咁样嘅做法，如果系嘅，我都对你哋餐厅几失望下，讲真餐厅环境、餐具、嘢食样样都好高分，但系会有啲咁嘅事发生，我都打咗个突，仲衰过嘢食唔好食、嘢饮唔好饮，呢次仲要系我朋友请埋我个份，系我话想去呢间Cafe☹️☹️☹️
张贴