影片
更多
2011-08-04
221 浏览
咁既出品都叫自己做日本料理，咁 7-eleven 可以系米芝连三星多国菜食府 ﹗街口间车仔面加条蟹柳咪系日式拉面 ﹗罐头、即食、翻热、即食面、翻炸，平价食材，吓死日本人料理。如果唔系个客想试一试，我真系唔会帮衬。食一次都厌多，无下次，饱晒。中华沙律、香辣螺头，唔洗讲都知系买返黎即食货啦，无咩好讲，差差差。前菜份量少，一笃仔海藻又唔够冻，螺头仲系腍劈劈添，都唔知食紧咩，两者都只有调味料及酱汁味道，救命呀 ﹗甜虾刺生，三文鱼刺生，OK 啦，无咩大问题，街边货色。硬实烧鳗鱼配照烧酱，仲干争争，咩事呀？炒什菜，咩黎架？味精汤浸菜？炒菜咁架咩？无野讲，劣劣劣。海鲜拉面？﹗值 HKD38 蚊，最初谂住叫饺子酿鸡翼拉面，想睇吓到底点样将饺子酿系鸡中翼里面。不过惊惊地，都系叫啲普通野安全啲，但都系中招。见个配搭都系第一次，少量昆布、一汤羹粟米粒、半条斜切平价蟹柳、酥炸橙色假带子、迷你芝麻八爪鱼一只、日式鱼蛋一片、硬实鱿鱼翼四份一片、天妇罗炸虾，佢层皮厚得出奇，不过浸完汤就甩皮，十足成个套咁，可以套返落只虾度，搞笑 ﹗试埋您个拉面，即食味精拉面，系咁多 ﹗叫住走葱，都系无既，落单时个四眼肥仔完全唔尊心听
中华沙律、香辣螺头，唔洗讲都知系买返黎即食货啦，无咩好讲，差差差。前菜份量少，一笃仔海藻又唔够冻，螺头仲系腍劈劈添，都唔知食紧咩，两者都只有调味料及酱汁味道，救命呀 ﹗
甜虾刺生，三文鱼刺生，OK 啦，无咩大问题，街边货色。硬实烧鳗鱼配照烧酱，仲干争争，咩事呀？炒什菜，咩黎架？味精汤浸菜？炒菜咁架咩？无野讲，劣劣劣。
海鲜拉面？﹗值 HKD38 蚊，最初谂住叫饺子酿鸡翼拉面，想睇吓到底点样将饺子酿系鸡中翼里面。不过惊惊地，都系叫啲普通野安全啲，但都系中招。见个配搭都系第一次，少量昆布、一汤羹粟米粒、半条斜切平价蟹柳、酥炸橙色假带子、迷你芝麻八爪鱼一只、日式鱼蛋一片、硬实鱿鱼翼四份一片、天妇罗炸虾，佢层皮厚得出奇，不过浸完汤就甩皮，十足成个套咁，可以套返落只虾度，搞笑 ﹗试埋您个拉面，即食味精拉面，系咁多 ﹗
叫住走葱，都系无既，落单时个四眼肥仔完全唔尊心听客人要啲咩，眼神话我知佢系度游紧魂，之后到埋单都未攞饮品比我地 ﹗仲有依度啲饮品全部都系纸包装同樽装架。
张贴
