Appendix Coffee & Bar (已結業)

今日起SOGO附近shopping完周围行既时候比一座好型格既大厦Tower 535吸引左 所以同朋友入去睇下 发觉原来入面都有唔少既餐厅 而Appendix coffee &bar既外型都同样设计得型格新颖！我同友人分别叫左两个set lunch 🍴 店员一开始先上左两碗daily soup 今次既系南瓜浓汤 而面头仲有一朵好靓用上左忌廉拉出黎既拉花 令人好易联想到平日咖啡上嘅拉花 不过花形既拉花真系第一次见！南瓜汤色泽金黄 入口幼滑 系main course既一个好美好既前奏我main course 选择左蜜糖烤春鸡春鸡预先切开了半份 但仍有鸡脾连着鸡胸肉 刚好足够我与友人分享 春鸡既鸡皮微微香烤过后 皮非常香脆 更带有浓浓既蜜糖香味 最欣赏既系春鸡鲜嫩无比 即使系鸡胸既部份仍然保持到juicy!另一个set中既main course选择了黑松露忌廉意大利饭 意大利饭充满了满满既黑松露味 成功提升左成个意大利饭既味道 芝士同忌廉既份量控制得好好 令每一粒意大利饭都被酱汁包含住😍加上粒粒蘑菇令成个饭口感超丰富 令人食唔停口呀！