影片
更多
2011-12-28
34 浏览
＜红莓白朱古力咖啡＞ Tall ($39)顶层有微酸甜嘅红莓酱同红莓糖粒，成杯都系白朱古力，虽然唔系太甜，不过可能系冻的开系有冰所以先唔算好甜，如果热饮嘅话呢....，不过冻饮都真系几腻........。 ＜香蕉花生酱三文治＞ ($20)睇介绍话呢件野系猫王最钟意嘅三明治㖞，本来见到个名香蕉+花生酱已经唔想食喇，不过去到starbucks见到件野同夏天出Petites的其中一件好似样㖞，只系呢旧就大好多，但只系贵过Petites $4，好似抵食好多㖞，另外又想买多样野食，系冇乜选择之下，咁即管试新野啦。当我叉落去旧香蕉面包感觉质地有少少实，但食落原来唔系实嘅，少少软身，但冇香蕉味，只有浓浓的花生酱味，或者花生酱份量过多了，盖过香蕉面包味道；花生酱旁边更黐上粒粒咸脆烟肉，食落唔太脆感觉更有点肥添，成件野食完觉得好腻呀。＜红莓肉桂卷 Cranberry Cinnamon Roll＞($17)相信红莓肉桂卷系圣诞必出之物，去年都出过，职员问使唔使加热，我其实系想唔翻叮架，因为佢面层有很多白糖，翻叮后咪会布满成旧肉桂卷啰，点知鬼掩咀讲咗「好呀！」....结果见到旧野系我手上当然系好后悔啦，虽然
顶层有微酸甜嘅红莓酱同红莓糖粒，成杯都系白朱古力，虽然唔系太甜，不过可能系冻的开系有冰所以先唔算好甜，如果热饮嘅话呢....，不过冻饮都真系几腻........。
＜香蕉花生酱三文治＞ ($20)睇介绍话呢件野系猫王最钟意嘅三明治㖞，本来见到个名香蕉+花生酱已经唔想食喇，不过去到starbucks见到件野同夏天出Petites的其中一件好似样㖞，只系呢旧就大好多，但只系贵过Petites $4，好似抵食好多㖞，另外又想买多样野食，系冇乜选择之下，咁即管试新野啦。
当我叉落去旧香蕉面包感觉质地有少少实，但食落原来唔系实嘅，少少软身，但冇香蕉味，只有浓浓的花生酱味，或者花生酱份量过多了，盖过香蕉面包味道；花生酱旁边更黐上粒粒咸脆烟肉，食落唔太脆感觉更有点肥添，成件野食完觉得好腻呀。
＜红莓肉桂卷 Cranberry Cinnamon Roll＞($17)相信红莓肉桂卷系圣诞必出之物，去年都出过，职员问使唔使加热，我其实系想唔翻叮架，因为佢面层有很多白糖，翻叮后咪会布满成旧肉桂卷啰，点知鬼掩咀讲咗「好呀！」....结果见到旧野系我手上当然系好后悔啦，虽然热后系几香气扑鼻嘅。
今次再食，同上年一样都系冇乜肉桂味，要我另外肉桂粉食添，里面的红莓果酱就几丰富，不过整体只觉一般，
＜雪球蛋糕 Snowball＞($30)上年都出过同佢一模一样嘅蛋糕，只系名字叫＜雪白圣诞＞，今年其实只系改咗名叫＜雪球蛋糕＞而已。
外层依然布满椰丝，我当然第一时间刮走佢啦，剩系顶果层椰丝已经多到不得了...怕怕喔。
好，我先用刀像切蛋糕地切开一细旧出来，里面果然同上年一样系由白朱古力慕司包住中间一层红莓果酱和一层海棉蛋糕而成。
白朱古力慕司不是好甜又好滑，其中一小层海棉蛋糕又可中和慕司同一个Texture感，再夹住微酸的红莓果酱感觉冇咁腻之余又好似冇咁肥，其实每次去买野见到一件件白雪雪系厨窗的确几靓，令人好想买佢食，咁的确都唔错嘅。
张贴
