望月 (已結業)

今年真喺几有食月饼运，首先被「开饭喇」揾咗先试唔同饼店或酒家所出嘅水果月饼，之后食友、同事、老婆同事又先后送赠咗啲月饼嚟，叨老细光仲有缘一试米芝莲一星菜馆嘅苏式月饼，甚至「鬼佬」月饼亦有幸一尝，依个中秋实在大饱口福！当然，又点可以漏写埋嚟自「开饭喇」嘅中秋独家贺礼「望月」迷你酥皮奶黄月饼吖。先多谢开饭依份心意，包装盒设计简洁，盒面印著一句「尝乐团圆」，中秋佳节实不可少，更钟意喺盒边嘅6个字「生活‧源是滋味」！有关「望月」、「叶润发师傅」嘅资料，相信有好多人写过，小弟都唔多再讲，更无谓罚抄一次，盒内单张简介已清楚有介绍，贴出嚟当个记录，有兴趣就睇睇！从单张所见，今年望月出咗4款月饼，除酥皮奶黄之外，仲有焦糖果仁、黑松露果仁、松露黑毛猪火腿果仁。虽然松露矜贵，若然有得拣，焦糖果仁先喺小弟心水首选啰，焦糖粉丝喺唔理性架嘞。迷你酥皮奶黄月饼言归正传，月饼一盒两个，独立包装，月饼表面烘得唔算好金黄，但分别以开饭饭碗及笑脸图案为饼模，堪称极具代表意义，而且，望落又几精致可爱。单张上奶黄月嘅饼皮就真喺好薄，但眼前奶黄月饼嘅饼皮，其实在少少厚，不过口感依然松化。小弟已按照指引嘅最佳食用方法，就喺用微波