鱻88日本料理 (已結業)

平时都唔会去佐敦，系朋友推介先会黎食😂估唔到又几高质+高级，服务态度都好好。职员话我地知有个新菜式—活海鳗会席，我地就好奇试下。季节沙律沙律酱有少少wasabi味，唔似普通个啲食到觉得腻。最特别既系上面放左鱼皮，脆脆地令到沙律口感增添不小😋😋刺身三点包含赤贝，甜虾同生鱼片。全部都好新鲜，唔点豉油会食到佢既鲜味。鱼加左柠檬汁，有少少盖过鱼鲜味。赤贝因为放系柠檬片上面所以都有同样问题，但唔严重既。季节活鱼刺身望落去可能觉得好生，布满血既感觉，但系食落口同普通刺身口感一样。活海鳗蒸年糕厚厚既年糕包住切细片嘅鳗鱼。年糕比平时食嘅烟韧，好有黏性，年糕面系脆既。里面既鳗鱼馅甜甜地，有啲似食紧叉烧。碗底仲有啲咸咸地嘅汁，点年糕一流。活海鳗天妇罗有块类似菜心叶天妇罗放喺鳗鱼嘅下面。鳗鱼嘅软配合天妇罗嘅脆口，口感丰富。蒲烧活海鳗笼仔蒸饭鳗鱼饭好精致，放喺笼仔上面，打卡一流。不过略嫌汁唔够浓，若果唔配鳗鱼食，有种食紧白饭嘅感觉。鳗鱼亦有小许骨。活海鳗玉子蛋糕好创新嘅菜式！混合左鳗鱼系蛋糕入边，食蛋糕面果层会食到几浓鳗鱼味。而旁边加左枫蜜，点左蜂蜜同食普通蛋糕嘅感觉冇分别，所以唔使惊混合左鳗鱼之后会好奇怪。