嚐.鵝小廚 (已結業)

今日入屯门做野，走个阵见到个易拉架，话新张优惠，见到$158有半只烧鹅就谂住买个外卖加𩠌。问老板可唔可以外卖半只烧鹅，佢话可以。老板好热情，系我等紧烧鹅期间，话佢地新开无几耐，得闲可以帮衬佢食下火锅、小菜咁话，俾埋餐牌我睇。我见佢D烧鹅好似烧得几靓，我谂如果即食应该好正。老板话我外卖，所以俾左一杯烧鹅汁我，叫我返到屋企整返热D汁，将D汁淋系烧鹅上，咁就会好食好多架咁。半只烧鹅都几重手，拎到返屋企，已经唔系热腾腾的了。试左旧烧鹅，味道唔错，有口感，啖啖肉。但毕竟唔系热食，无左个阵出炉的香脆。拿拿临整返热D烧鹅汁淋系烧鹅上，咁样食又另有一番风味。