影片
更多
2008-11-17
30 浏览
帮衬日期: 12/10/2008上次同3个朋友嚟烧野食, 都系临时决定~ 听讲呢度有golf场, 环境不错, 客人不少, 所以嚟下....结论系, 嚟一次就够, 以后唔会再嚟~首先所有食物食逐款计钱, 份量系咁多就咁多, 冇得要少d. 仲要排队, 负责的counter的职员态度系"好寸, 唔忧做", 问乜都话"唔得/唔可以/一定要xxx".野食味道其实系可以的, 但系超唔抵.睇"点心纸", 好多野都半磅半磅计. 最记得牛排系$48, 鸡翼就$3x, 青椒都十几蚊...... 仲以为份量都ok多卦... 所以我地每人每样只叫了一份.等左劲耐, 朋友终于回来....我地见状不约而同地问 "吓? 所有野架拿? 定有d安排紧佢地一阵送过嚟?"朋友"所有野架啦!! 同埋乜都自己攞的, 佢地唔会送过嚟"我地"吓?? 咁少????? 点够食呀???"一齐睇番张单, 已经三百几蚊.....所谓半磅牛排, 系得1块咁大把, 唔系大块, 里面仲一劲大旧冰. (唔知重量计唔计埋果旧冰啦); 鸡翼4只, 刚好每人一只, 咁就卅几蚊; 仲有青椒, 得四块, 又刚好每人一块.... 仲记得鱿鱼, 得一块,
上次同3个朋友嚟烧野食, 都系临时决定~ 听讲呢度有golf场, 环境不错, 客人不少, 所以嚟下....
结论系, 嚟一次就够, 以后唔会再嚟~
首先所有食物食逐款计钱, 份量系咁多就咁多, 冇得要少d. 仲要排队, 负责的counter的职员态度系"好寸, 唔忧做", 问乜都话"唔得/唔可以/一定要xxx".
野食味道其实系可以的, 但系超唔抵.
睇"点心纸", 好多野都半磅半磅计. 最记得牛排系$48, 鸡翼就$3x, 青椒都十几蚊...... 仲以为份量都ok多卦... 所以我地每人每样只叫了一份.
等左劲耐, 朋友终于回来....
我地见状不约而同地问 "吓? 所有野架拿? 定有d安排紧佢地一阵送过嚟?"
朋友"所有野架啦!! 同埋乜都自己攞的, 佢地唔会送过嚟"
我地"吓?? 咁少????? 点够食呀???"
一齐睇番张单, 已经三百几蚊.....
所谓半磅牛排, 系得1块咁大把, 唔系大块, 里面仲一劲大旧冰. (唔知重量计唔计埋果旧冰啦); 鸡翼4只, 刚好每人一只, 咁就卅几蚊; 仲有青椒, 得四块, 又刚好每人一块.... 仲记得鱿鱼, 得一块, 四个人分; 有块鱼又系.... 一块四个人分........
包装得好靓架, 用哂厚胶袋, 密封, 包包里面一大堆冰, 够哂卫生!! 我地每每用烧烤叉拆袋都出尽九牛二虎之力, 仲烧好耐先溶雪.
有朋友问仲叫唔叫, 我地都话, 我地食哂都唔够5成饱, 要食得饱至少要洗700-800. 结果我地一行下转左去大排档继续下半场.
至于环境, 系风凉水冷的, 如真系嚟的话最好日头, 因为日头先睇个海景; 不过讲真, d炉同d櫈劲多炭灰, 搬开叠起的櫈仲有条受惊吓的四脚蛇~ 搬开后抹左一大餐先可以坐. 同埋冇人会走埋嚟serve 你, 我地要透炉都等左劲耐, 叫左个阿姐几廿次先走嚟帮我地搞!! 我觉得呢样野比一般烧烤场差好多!!
故事就系咁啦~~~
张贴