影片
更多
2021-10-26
77 浏览
Mcdull好中意烧鹅。中意肥嘟嘟嘅感觉，就好似中意Mcmug咁。有一日，Mcdull同Mcmug肚饿了。Mcmug话「不如我地食依间丫，舖名都有烧鹅两只字」Mcdull点点头。佢地坐低左，睇餐牌。Mcmug睇到「超值」滋味套餐嘅餐牌，佢🐽事不理，系佢嘅极速🐽心算下「兜儿，不如叫依个套餐丫」Mcdull开心地「乜兄，好呀」其实Mcdull连餐牌都未看清楚，因为太多字了。结果，佢地就入左一间主打烧鹅嘅舖头，点左个既超值又滋味，但无烧鹅嘅套餐，两只🐽都好开心咁食左依餐饭。言归正传：超值滋味套餐 $288 任选三𩠌一汤 餐牌其实真系有啲乱，密密麻麻嘅字都睇到老花，我地叫左三个𩠌：大壹叉烧皇并香妃鸡、菠萝咕噜肉、西兰花炒虾仁，同时我+$38将餐汤升级至花菇鸡脚炖螺头。花菇鸡脚炖螺头🙂个汤好热，饮落口热辣辣，好清，冇乜咩油，佢用功夫茶嘅形式黎上菜，要饮几多做倒几多，每次一细杯，对于我黎讲就有少少烦，但个汤真系几好饮，淡淡地，似冇味精。佢个汤嚟𠮶时，仲特登俾埋兜辣椒豉油我黎点汤渣食，依碗汤嘅鸡脚好淋，香菇都仲有味，但螺头就煲到出晒味，食落去冇乜味。大壹叉烧皇并香妃鸡😐我特登叫左肥叉，唔肥嘅叉边好食
Mcdull好中意烧鹅。中意肥嘟嘟嘅感觉，就好似中意Mcmug咁。
有一日，Mcdull同Mcmug肚饿了。
Mcmug话「不如我地食依间丫，舖名都有烧鹅两只字」Mcdull点点头。
佢地坐低左，睇餐牌。
Mcmug睇到「超值」滋味套餐嘅餐牌，佢🐽事不理，系佢嘅极速🐽心算下「兜儿，不如叫依个套餐丫」
Mcdull开心地「乜兄，好呀」其实Mcdull连餐牌都未看清楚，因为太多字了。
结果，佢地就入左一间主打烧鹅嘅舖头，点左个既超值又滋味，但无烧鹅嘅套餐，两只🐽都好开心咁食左依餐饭。
言归正传：
超值滋味套餐 $288 任选三𩠌一汤
餐牌其实真系有啲乱，密密麻麻嘅字都睇到老花，我地叫左三个𩠌：大壹叉烧皇并香妃鸡、菠萝咕噜肉、西兰花炒虾仁，同时我+$38将餐汤升级至花菇鸡脚炖螺头。
花菇鸡脚炖螺头🙂
个汤好热，饮落口热辣辣，好清，冇乜咩油，佢用功夫茶嘅形式黎上菜，要饮几多做倒几多，每次一细杯，对于我黎讲就有少少烦，但个汤真系几好饮，淡淡地，似冇味精。佢个汤嚟𠮶时，仲特登俾埋兜辣椒豉油我黎点汤渣食，依碗汤嘅鸡脚好淋，香菇都仲有味，但螺头就煲到出晒味，食落去冇乜味。
大壹叉烧皇并香妃鸡😐
我特登叫左肥叉，唔肥嘅叉边好食，但系佢嘅叉烧可能浸得比较耐，都太过入味，味道偏浓偏甜，个人黎讲就觉得麻麻；香妃鸡有啲沙姜嘅味，鸡都几滑，喺出面来讲算系正常。但系我都系钟意食返自己蒸嘅鸡。
菠萝咕噜肉😐
份量好足，我谂够三至四人食，味道正常偏酸，配料算有啲特别：有桥头、新鲜菠萝、无花果，连埋啲咕噜肉一齐食都唔错，但可惜啲菠萝比较酸。
西兰花炒虾仁😐
份量又系好大份，啲虾都几大只，有少少虾味，啲菜炒嘅时间都啱啱好唔会太淋唔会太硬，食咗咁多肉，食埋依个菜，啱啱好。
三人份量嘅二人餐，份量好足，其实叫多一个人什至两个人黎食都绰绰有余。
依度都坐得几舒服，冇人赶你走；姐姐都招呼好好，好有礼貌👍
下次🐽食烧鹅！
「好食7级🐽」：
☹️👹极度难食，中伏 very very bad bad
☹️难食 very bad
🙁几难食 bad
😐普通no good no bad
🙂几好食good
🤤好食 very good
🤤😇好鬼好食，必试 very very good good
张贴
