鳳城酒家 (已結業)

凤城酒家开业左好多年，系老字号，真系可以话: 「我细细个就听过佢个名」。以前都系同屋企人食晚饭多，今日就嚟饮个午茶。呢间分店位处尖东区，交通好方便。附近多酒店，有唔少旅客嚟帮衬，唔忧做，所以全日点心系一个价钱，冇话乜野特价早茶下午茶。大点先系$23.8，尖沙咀区算系平。沙律明虾角(大点$23.8)即炸够晒热辣辣，外皮炸得好脆，但唔算系好大只，比出面食嘅较为细。清真牛肉饼(大点23.8)牛肉入面加左唔少洋葱，一咬开就有阵阵洋葱味，可惜煎得几油吓，碟底有唔少油。脆皮烧腩仔$48几抵食，份量几多，切厚件都有好多件。腩仔中间夹有几层肥肉，但唔会过肥，外皮烧得好香好脆，掂！太白醉鸡$48好奇怪，等左一个钟先送到，醉鸡一般系最先上枱的。原只鸡脾肉，多肉够滑，鸡皮做到爽口，唔错。莲蓉西米布甸（中点$20.8）最后一道当然系甜品，吉士酱好好味，布甸焗到带少少烟韧。