味帝漢堡 (已結業)

星期日中午十二点，天气近乎零度，系大角咀既街头，真系冇咩铺头开左门。成朝未食过野，饥寒交迫，要我再继续行，真系好需要食野！见到一间小铺有开，一于行埋去睇下！ 铺头其实只系细细间，座位唔多，卖点系汉堡。不过又冻又饿，再唔食野真系会冻死系街头，咩都唔理，食左先讲！ 餐牌都多野食，除左主打汉堡，又有沙律，薯条等等。叫左个德里香辣烤鸡堡餐，加钱转窝蛋芝士薯条，汽水。 窝蛋芝士薯条好吸引，其实自己本身劲钟意食芝士薯条，所以都食过好多唔同餐厅既芝士薯条。然而，今次又比到一个新鲜感我。加左窝蛋既芝士薯条口感更滑，少左一份煎炸既感觉，多左一份蛋香。食起上嚟会有黏黏既感觉，同时又有丝丝连住既芝士。更加吸引既系食落都唔觉多油！ 德里香辣烤鸡堡整紧既时候已经闻到阵阵香味。成个汉堡都好大个，我咁大个咀要一啖咬晒都有d难度。烤鸡好大块而且多肉，虽然鸡系大件，但就煮得够火喉，所以咬落够淋。个酱只系带微辣，但同烤鸡几夹，有印度风味。严寒之下食饱饱，又可以继续上路。