影片
更多
2023-11-29
522 浏览
秋风起，又系时候食shabu-shabu，今次试咗间位于尖沙咀海港城嘅京都一之传靓靓餐厅。 一入到餐厅，旁边有棵樱花树🌸，装修清雅脱俗，令人感觉好似去咗日本咁。 今次目的好明确，我哋二话不说拣咗个$788嘅银阁shabu-shabu 2人餐： 特选野菜盛合：店舖采用新鲜时令野菜，配合汤底份外鲜甜味美。 日本A4和牛赤身：和牛肉质鲜嫩幼滑，油脂比例恰当，轻轻灼数几秒就已经食得，点埋日本产鸡蛋酱汁，更加滋味无穷。 日本黑毛豚肉：本身我对豚肉没有抱太大期望，不过呢个豚肉真系不得不赞，入口非常松化嫩滑，有平时和牛入口即溶嘅感觉，可以讲系非常高质嘅豚肉，超赞👍 精选丸子🍡：口感扎实，食落唔会散开。 乌冬：乌冬烟韧滑溜，咬落有嚼劲。 雪糕系抹茶味，抹茶味突出又带回甘，雪糕质地creamy，甜度恰到好处。 另外，我哋再散叫咗几味小食，免治味噌鸡肉、出汁蛋卷、虎皮卷、盐烧牛舌。 免治味噌鸡肉：免治鸡肉加入多种味噌，放入锅中吸收汤底嘅精华之味，可再伴酱汁或生蛋黄吃，份外美味。 出汁蛋卷：呢款蛋卷同平时出面食嘅蛋卷有啲唔同，佢用咗高汤烹调蛋卷，食落充满浓郁的蛋味和高汤鲜味，蛋卷呈金黄色，一层一层卷起，没有
秋风起，又系时候食shabu-shabu，今次试咗间位于尖沙咀海港城嘅京都一之传靓靓餐厅。
一入到餐厅，旁边有棵樱花树🌸，装修清雅脱俗，令人感觉好似去咗日本咁。
今次目的好明确，我哋二话不说拣咗个$788嘅银阁shabu-shabu 2人餐：
特选野菜盛合：店舖采用新鲜时令野菜，配合汤底份外鲜甜味美。
日本A4和牛赤身：和牛肉质鲜嫩幼滑，油脂比例恰当，轻轻灼数几秒就已经食得，点埋日本产鸡蛋酱汁，更加滋味无穷。
日本黑毛豚肉：本身我对豚肉没有抱太大期望，不过呢个豚肉真系不得不赞，入口非常松化嫩滑，有平时和牛入口即溶嘅感觉，可以讲系非常高质嘅豚肉，超赞👍
精选丸子🍡：口感扎实，食落唔会散开。
乌冬：乌冬烟韧滑溜，咬落有嚼劲。
雪糕系抹茶味，抹茶味突出又带回甘，雪糕质地creamy，甜度恰到好处。
另外，我哋再散叫咗几味小食，免治味噌鸡肉、出汁蛋卷、虎皮卷、盐烧牛舌。
免治味噌鸡肉：免治鸡肉加入多种味噌，放入锅中吸收汤底嘅精华之味，可再伴酱汁或生蛋黄吃，份外美味。
出汁蛋卷：呢款蛋卷同平时出面食嘅蛋卷有啲唔同，佢用咗高汤烹调蛋卷，食落充满浓郁的蛋味和高汤鲜味，蛋卷呈金黄色，一层一层卷起，没有散开，口感嫩滑。
虎皮卷香脆可口，非常滋味！
盐烧牛舌口感软嫩，作为牛舌爱好者必点之选。
张贴
