影片
更多
2024-12-07
130 浏览
食物质素同性价比低：126蚊六宝饭（106蚊六宝饭+20蚊追加细碗白饭）lunch set还不如叫卤水边角料饭lunch set。收得咁贵，用嘅食材反而全部系最差嘅仲差过卤水鹅肉饭，得三块冇肉全骨嘅鹅肉边角料。系全港几十间卤水鹅肉饭店里边食过最低质素嘅潮汕卤水店。服务恶劣、收费唔讲清讲楚：白饭饭量极细，食唔饱想加多一细碗饭仲要比钱时先暗中收20蚊港币加饭费用，贵绝全港嘅白饭，对账单唔主动讲出嚟唔会知。预先加饭时又完全冇通知要加多20蚊咁贵，边个会知道咗要加20蚊港币之后仲加白饭？铺头服务员仲要责怪你自己冇去攞𠮶本好厚嘅大menu嚟仔细阅读每一页揾到𠮶碗饭，但系我食紧嘅系lunch set𠮶张纸上面嘅野嚟嘅喔，所有menu比你收走晒、你唔讲、点睇得到加饭？出边餐厅未试过加饭要额外收费20蚊港币仲要唔通知喔！前一日啱啱食完隔离知延屋，质素高好多、抵食好多、免费加饭喔？餐厅环境差：相当紧逼。卫生都差强人意，餐点铺嘅纸上面有好多蚂蚁同埋小虫。台同座位极细连坐都坐唔到、但咁样都系要拼台。总结、避免再中伏：本身好钟意食野、由fine dining到平民美食、亦都好欣赏由亚洲去到欧洲各种菜系嘅食物e
126蚊六宝饭（106蚊六宝饭+20蚊追加细碗白饭）lunch set还不如叫卤水边角料饭lunch set。收得咁贵，用嘅食材反而全部系最差嘅仲差过卤水鹅肉饭，得三块冇肉全骨嘅鹅肉边角料。系全港几十间卤水鹅肉饭店里边食过最低质素嘅潮汕卤水店。
服务恶劣、收费唔讲清讲楚：
白饭饭量极细，食唔饱想加多一细碗饭仲要比钱时先暗中收20蚊港币加饭费用，贵绝全港嘅白饭，对账单唔主动讲出嚟唔会知。预先加饭时又完全冇通知要加多20蚊咁贵，边个会知道咗要加20蚊港币之后仲加白饭？铺头服务员仲要责怪你自己冇去攞𠮶本好厚嘅大menu嚟仔细阅读每一页揾到𠮶碗饭，但系我食紧嘅系lunch set𠮶张纸上面嘅野嚟嘅喔，所有menu比你收走晒、你唔讲、点睇得到加饭？出边餐厅未试过加饭要额外收费20蚊港币仲要唔通知喔！前一日啱啱食完隔离知延屋，质素高好多、抵食好多、免费加饭喔？
餐厅环境差：
相当紧逼。卫生都差强人意，餐点铺嘅纸上面有好多蚂蚁同埋小虫。台同座位极细连坐都坐唔到、但咁样都系要拼台。
总结、避免再中伏：
本身好钟意食野、由fine dining到平民美食、亦都好欣赏由亚洲去到欧洲各种菜系嘅食物etc.，咁多年食遍亚洲、欧洲、美洲，就算遇到好多唔好食唔啱口味嘅餐厅、都冇比过任何食肆负评，未试过好似今次咁恶劣同令人愤怒不愉快嘅体验。令到我觉得有义务企出嚟写评论指出呢一d伏位帮其他顾客避免再中伏。我会宁愿去食多几餐中环嘅日日香鹅肉饭店、价钱平一半、质素高几个level，都唔会嚟食呢间第二次，又贵、食物质素又低、仲要收费唔透明、服务唔好，环境差卫生差坐得又唔舒服，踩中我心目中所有伏位嘅餐厅，谂唔明点解搬迁/其它地址结业前可以攞得到咁多次米其林推介、百思不得其解。唔值得浪费钱尝试。
张贴
