Misocool (已結業)

前一晚因为睇到J2台既冒险王东京之旅， 令我好想食拉面，所以今晚就试下依间!6点几去到，服务员好有礼物咁叫欢迎光临，比人第一个印象唔差，个场好大得3台客，感觉十分冷清，心谂可能早姐，无咩人所以2人都可以坐卡位，冷气不足，男友全程标汗，餐具有污渍唔干净，不过2人坐卡位好舒适!Menu内食物平均价钱都唔算贵，除左寿司外，因为系每件计， 例如细细的鳗鱼寿司都$14/件，元x寿司都唔洗啦，不过都叫左4件不同寿司，但送黎得3件，黠知原来仲好， 因为唔新鲜! 唉!而我地叫左日式芝麻酱海鲜冷面同带子拉面， 首先2款拉面都好硬， 带子拉面汤底仲差过味x拉面，7粒带子好雪藏，而日式芝麻酱海鲜冷面唯一好就系好浓芝麻酱味，味系唔错， 但材料无味，只碟都系冻冰冰，好似一早煮好入左雪柜好耐咁，2款拉面真系好好好硬， ! 我地7点几走都系4台客，水静河飞!出面美x同元x就相反大排长龙...严重中伏了!