喜悅火鍋海鮮酒家 (已結業)

同三个同事来饮茶，原本谂住想叫点心，但见到有个四人商务套餐好似几抵，便叫来试下。套餐包点心三款、煨汤一煲、小菜三款。点心是叉烧包、牛肉同凤瓜，一般货色；煨汤选了螺头竹丝鸡，都唔错，味精不多，算系几好；小菜要了茄子炆三文鱼头腩、脆皮蒜香鸡同咕噜肉，三文鱼头腩都唔错，几好肉，茄子都好送饭，略缣茨汁浓左少少；脆皮鸡味道是不错，但就唔系好大只，无咩肉食，三两下手势就剩番鸡头、鸡颈同鸡尾；咕噜肉反而最好，香口得来又淡淡肉，好食。埋单二百多，中环酒楼来说算几抵。