影片
更多
2017-05-11
655 浏览
蒸气火锅一定要择间舒服同够冷气既餐厅！今日嚟到尖沙咀分店，眼前一亮，大装修靓都好多又好够光，最好有卡位坐，4个人舒服准备食大餐。前菜系带酸既白萝卜，好微辣既木耳同酸酱油既青瓜。酱油都好多，有齐晒基本，豉油 葱 蒜。粥之外，每人都有碗汤饮老黄瓜炖唐排，我地要姫崧茸炖螺肉好清甜无油。之后就每人送三款脆皮乳鸽肉都ok，热又脆既，肉实既。贝壳盛盘好多份量，包了大既刀贝同细既蕃薯蚬。刀贝爽口又大又弹点，甜过小蚬，点芝麻酱好食。蕃薯蚬好细，但无沙好奇正㖞。2选1既生猛龙虾OR刺身拼盘，之前食到依度都开始饱。生猛龙虾每人半只，肉爽身带微甜，满满蒜头。仲有4款海鲜未择。生猛大元贝超级大大大只又有小蒜蓉粉丝。肉质鲜滑起哂丝，个肓都好软，香气足。必食必择，咁大只都无腥又甜，重点饮汁，海鲜之选。美国桶蚝蒸完缩左一下，都无损佢既大大大同大家食欲，又有粉丝食。唔腥系好开心，以前食过腥既蚝，晕左！肉质滑潺潺唔错。北韩鲜鲍鱼大大只有哂小针，无哂内肠！好有咬感，少弹但内肉厚外爽口。生㓥龙趸件每人2件，细细件无骨OR少少大既。几重胶，唔通好多胶原对皮肤好！过晒海鲜啦汤啦，贴心换碟就系肉类，菜类同包类。手切和牛肉份量大大
蒸气火锅一定要择间舒服同够冷气既餐厅！今日嚟到尖沙咀分店，眼前一亮，大装修靓都好多又好够光，最好有卡位坐，4个人舒服准备食大餐。前菜系带酸既白萝卜，好微辣既木耳同酸酱油既青瓜。酱油都好多，有齐晒基本，豉油 葱 蒜。粥之外，每人都有碗汤饮老黄瓜炖唐排，我地要姫崧茸炖螺肉好清甜无油。
之后就每人送三款脆皮乳鸽肉都ok，热又脆既，肉实既。
贝壳盛盘好多份量，包了大既刀贝同细既蕃薯蚬。刀贝爽口又大又弹点，甜过小蚬，点芝麻酱好食。蕃薯蚬好细，但无沙好奇正㖞。
2选1既生猛龙虾OR刺身拼盘，之前食到依度都开始饱。生猛龙虾每人半只，肉爽身带微甜，满满蒜头。仲有4款海鲜未择。
生猛大元贝超级大大大只又有小蒜蓉粉丝。肉质鲜滑起哂丝，个肓都好软，香气足。必食必择，咁大只都无腥又甜，重点饮汁，海鲜之选。
美国桶蚝蒸完缩左一下，都无损佢既大大大同大家食欲，又有粉丝食。唔腥系好开心，以前食过腥既蚝，晕左！肉质滑潺潺唔错。
北韩鲜鲍鱼大大只有哂小针，无哂内肠！好有咬感，少弹但内肉厚外爽口。
生㓥龙趸件每人2件，细细件无骨OR少少大既。几重胶，唔通好多胶原对皮肤好！过晒海鲜啦汤啦，贴心换碟就系肉类，菜类同包类。
手切和牛肉份量大大，牛味劲重，爱牛之选。第一次1分30秒老左d，之后短d就好食啦！
虫草花清远鸡，虫草花好食吸左鸡油味，肉就几嫩既。爽脆猪颈肉就爽好多，但油花比较多。百花酿花菇好大粒花菇，个虾胶好好口感又加花茹，好实在。丸有手打梅菜猪肉丸咸咸地，好食好软少味精。鲜虾丸又系起胶，鲜味重。自制鲜牛丸系另一种牛味，粉味无，真材实料！鲮鱼球好软身同小弹，有无牙都食得，带老人家嚟都得。家乡酿豆卜好香豆味，因为蒸既关系！肉松酿凉瓜，希望唔苦啦。。。。。。真系唔苦啦少甘，有肉系好好多，清下热。
包有葱花卷同马拉糕好饱满个肥。马拉糕至爱，又有黑糖甜味又有淀粉质落肚暖胃。菜有粟米系好甜细细旧。胜瓜水水的。南瓜香芋粉粉嫩嫩既，杂菜好清淡好清胃口！
粥底系瑶柱鲜淮山粥，本身系比较清嘅粥底，但经过海鲜，鸡同好多肉既汁煮，同菜香，已经变到好粉同好香。食左好多好多，不枉我午餐食少啲，哈哈。服务一流，坐住等食，有d仲送到你碟添，任饮嘉士伯，仲有西瓜送。
张贴
