Mango Tree Café (已結業)

今晚黎到元朗yoho mall揾食，发现原来mango tree呢度有分店，就黎试一试啦。我地一行四人叫左个四人餐，性价比都几高呀，口味又好大路，感觉唔错、同大家分享一下啦。先讲前菜，叫左炸海鲜杂菜饼同生菜包。杂菜饼炸得好松化，主要系杂菜啦，海鲜都唔算多，不过新鲜炸起就好好食；而个甜酸酱入面加左花生，更成个𩠌更惹味，不过就好邪恶。而生菜包就好刺激啦，肉碎好辣，就算包住生菜食完都要饮返两啖水，不过味道都系好既，如果多两块生菜就更好了。主菜方面，黄咖哩虾都唔错，是偏甜而唔辣既口味，好适合一家大细，虾既份量都唔少，不过跟既蒜蓉包得两块，略嫌太少。而个Phad Thai pizza系细型而厚底既，食落去真系phad thai既味，甜甜地，好唔好食就一般啦。饭/面类我地叫左焗猪扒饭同炒粉丝，焗猪饭都系泰式既，酱汁有一阵香茅味，而猪扒其实系厚切猪颈肉，份量特多，饭是炒底的。而炒粉丝就无咩特别，味道无咩惊喜。最后系甜品，个crepe真系唔好提了，反而个泰茶拉米苏真系几得，其实系tiramisu加泰式奶茶雪糕，雪糕好好食，真系好似饮紧泰式奶茶咁，食多一杯都仲得。总括黎讲，呢个四人餐都唔错，味道几好，价