炯記餐室 (沙咀道) (已結業)

四人餐有2个前菜、3个主菜、2碟油菜，仲有饭、汤同餐饮，咁多野食都只系$408仲要无加一，份量好大，四个人根本食唔哂🙉 仲可以打包番屋企食多餐。半只烧鹅无花无假，真系大大只鹅半只🙊。鹅上枱果阵温度连暖都无，明嘅，如果一路热住，肉质会变鞋，不过始终冻左，肉质偏实。鹅油脂丰富，入口爆油，鹅皮真系好香，卡路里爆灯都要食🤣 猪手(例)例牌有4件，啱啱好每人一件。猪手炆得好淋，而且都入味，仲要好重胶质，食完嘴唇好痴；可以拣要唔要菇，我系食菇之人，当然要啦!! 不过菇细粒得嚟，仲要苦，最后全部无食。盐焗手撕鸡调味适中，由于烧鹅太吸引，所以八成手撕鸡打包番屋企。😏鹅油捞面只提供柤面，男友对枧水感敏，只可以食白饭😶 粗面有咬口，不过鹅味唔太觉🤔，我加左佢地嘅辣油，觉得好味过用鹅油捞😅 值得一提，打包番屋企嘅面，用少少热水浸番热佢，反而更香，所以我觉得湿食比干捞好味🤤。前菜 – 麻辣鸡肾爽脆、唔太辣；酸辣云耳入味又够酸，呢个好好味😋。饮品除左奶茶、咖啡果D外，仲可以拣特饮(但阿华田特饮要补$10)。张枱放到满哂🙉 呢个价钱，食到咁多野，质素仲要唔算差，性价比真系好高。