德成號

营业中

休息中

想食德成号蛋卷？方法一，每日朝日七点几去排队，排番两个钟可以买到四磅蛋卷。方法二，每年有两次可以电话订蛋卷，分别系三月同九月，每次打通电就最多可以订二十磅，但电话就超级难打得通。今年3月3日就第一次试用电话订蛋卷，由早上十一点开始打，打到下午六点终于打通左，电话订可以选择亲自去罗或送货，如果要送货，每二十磅就要收$25送货费，落完单，德成号就话大约要七月中先送货，哗！要等成四个月？无办法啦，名牌蛋卷系要等下！果然七月中真系有蛋卷食，送货前两日德成号打黎confirm时间，今次就订左盒最贵既鲜椰汁蛋卷($71，一磅)，一盒粗略估计大约有25 条7吋长既蛋卷，鲜黄色既蛋卷表面带点㶶㶶地色，闻一闻有蛋既香味，但食落口就静系食到蛋味，完全食唔到椰汁味，蛋卷唔算脆仲有d淋淋地！可能对德成号既蛋卷期望太高！真系有d失望！