Blue Bar (已結業)

四个大忙人终于约到时间食餐饭，千挑万选拣左四季酒店既Blue Bar。一入到去，我已经俾佢一排蓝色的LC餐具吸引住座定咗，侍应即刻递上一份drink list 俾我地。佢地食物虽然唔算太多款式，但正所谓贵精不贵多。我第一件事就系食佢地的餐饱，好多款式。真系想款款都食，但点食其他野呀！结果每样都系试少少，但真系好好味。最开心系佢地今日有南瓜汤，好甜好滑。另外Pama Ham 我都食左好多，配埋哈蜜瓜，正呀!斋食呢样我都觉得抵番哂。佢地啲芝士都好正，可惜无我平时配食的加拿饼或者克加架。但芝士中间的baby无花果补番数，好甜。我之前都未见过呀!仲有佢两款汉堡都好有水准。佢地热菜够唔特出，所以我无试好多。我一向都系甜品怪，可惜佢地真系唔多款。最推介系佢地个香梨挞，好细心仲配埋云呢嗱汁，正!另外佢地仲有成五款Macaroon任拣。佢个咖啡慕司都好正反而个Cake Pop就真系麻麻地最后叹埋佢地既Latte，味道香浓，不会净系得奶味。就这样享受我一个悠闲的周未