影片
更多
2023-10-15
1844 浏览
同朋友黎试位于乐富好出名冈山拉面，点解出名？因为佢有得拣四倍量嘅芽菜份量，出左名系小山丘咁上枱。作为大胃王嘅朋友一早讲好左要试最大碗嘅特盛，再要咩都多挑战下㖞😆放左工嗱嗱林黎到乐富，一到饭市就排长龙㗎啦。写完纸仔再到收银处付款，攞到牌仔就可以系位等送餐，自己个碗好正常㗎，朋友个碗就极重口味😆芫茜辛辣拉面（中盛）两倍量嘅芫茜同芽菜，辣度就系小辣，望落唔夸张吖😊汤底微辣几啱口味，面条粗身有咬口，有啲上海面嘅感觉但更弹牙，沾满汤汁好正，叉烧同玉子都系正常拉面店嘅水准，真系几好食噃🤤半熟玉子拉面（特盛）朋友碗特盛连碗都超级大，四倍量嘅芽菜果然成小山丘，劲夸张呀🤭浓汤加上重油，再要大量蒜，朋友话个汤味真系好浓郁，正㖞😌但食完个口有一大阵蒜味啰。价钱同一般拉面店相约，但份量就大好多，最重要系汤底同面条都出色，值得排队食㖞。拉面只有五款选择，小食亦只有关东煮同饭团，贵精不贵多，专心做好拉面👍
作为大胃王嘅朋友一早讲好左要试最大碗嘅特盛，再要咩都多挑战下㖞😆放左工嗱嗱林黎到乐富，一到饭市就排长龙㗎啦。
写完纸仔再到收银处付款，攞到牌仔就可以系位等送餐，自己个碗好正常㗎，朋友个碗就极重口味😆
芫茜辛辣拉面（中盛）
两倍量嘅芫茜同芽菜，辣度就系小辣，望落唔夸张吖😊汤底微辣几啱口味，面条粗身有咬口，有啲上海面嘅感觉但更弹牙，沾满汤汁好正，叉烧同玉子都系正常拉面店嘅水准，真系几好食噃🤤
半熟玉子拉面（特盛）
朋友碗特盛连碗都超级大，四倍量嘅芽菜果然成小山丘，劲夸张呀🤭浓汤加上重油，再要大量蒜，朋友话个汤味真系好浓郁，正㖞😌但食完个口有一大阵蒜味啰。
价钱同一般拉面店相约，但份量就大好多，最重要系汤底同面条都出色，值得排队食㖞。
拉面只有五款选择，小食亦只有关东煮同饭团，贵精不贵多，专心做好拉面👍
张贴
