影片
更多
2004-09-01
14 浏览
最初只系屋企人觉肚饿, 想出去食少少野, 但行行下又谂唔到食乜, 谂到去椰林阁o个时又已经成六点几, 结果连晚饭都食埋.我地每人都叫左一个$40特价晚餐(要加一) 俾自己. 如果冇记错, 呢个优惠系由五点半到七点半. o个o的set 过左七点半就要起码贵成二十蚊.我地四个人分别叫左三个红汤, 一个白汤. 安格斯牛柳野菌配沙律, 烟鸭胸配意大利阔面, 镬仔牛柳配薯菜, 香煎鸡扒炸带子配沙律. 餐茶要左四杯奶茶, 三杯热一杯冻.最先上o既当然系个汤. 爸爸饮左个罗宋汤一啖, 就话个汤有辣味! 连两个细佬都话有少少辣味. 辣o既罗宋餐汤我真系第一次见. 不过个汤就好水, 冇乜料, 但都可以饮得落, 细细佬仲连爸爸个份都饮埋. 我系饮忌廉汤o既, 不过系o个o的冇乜味o既货仔... 算啦. 反而个跟汤上o既餐包都几好, 几软几香咁.个主菜都算上得快. 我要o既系烟鸭胸配意大利阔面, o个o的面都好油腻下, 不过味道算几好, o的面腍得o黎唔会烂. 个烟鸭胸绝对系惊喜, 几香又算好味, 系咸左少少, 但送住o的面食就okay. 个o的跟碟o既(烚?) 杂菜个样有o的衰, 但都食得落. 大细佬要个
我地每人都叫左一个$40特价晚餐(要加一) 俾自己. 如果冇记错, 呢个优惠系由五点半到七点半. o个o的set 过左七点半就要起码贵成二十蚊.
我地四个人分别叫左三个红汤, 一个白汤. 安格斯牛柳野菌配沙律, 烟鸭胸配意大利阔面, 镬仔牛柳配薯菜, 香煎鸡扒炸带子配沙律. 餐茶要左四杯奶茶, 三杯热一杯冻.
最先上o既当然系个汤. 爸爸饮左个罗宋汤一啖, 就话个汤有辣味! 连两个细佬都话有少少辣味. 辣o既罗宋餐汤我真系第一次见. 不过个汤就好水, 冇乜料, 但都可以饮得落, 细细佬仲连爸爸个份都饮埋. 我系饮忌廉汤o既, 不过系o个o的冇乜味o既货仔... 算啦. 反而个跟汤上o既餐包都几好, 几软几香咁.
个主菜都算上得快. 我要o既系烟鸭胸配意大利阔面, o个o的面都好油腻下, 不过味道算几好, o的面腍得o黎唔会烂. 个烟鸭胸绝对系惊喜, 几香又算好味, 系咸左少少, 但送住o的面食就okay. 个o的跟碟o既(烚?) 杂菜个样有o的衰, 但都食得落. 大细佬要个香煎鸡扒炸带子配沙律, 块鸡扒煎得好靓, 佢话o的味okay, 不过可能自己落多左o的蒜蓉汁(份香煎鸡扒炸带子同安格斯牛柳野菌上台时都系未淋汁o既, 个蒜蓉汁系有个细碗装住另上; 另外两份set 就淋左个汁先上台), 所以又系咸左少少, o个两粒炸带子系超市有得买o既假带子, 冇乜特别. 跟碟o既沙律唔系净得罐头货, 算新鲜, 仲有椰果o添! 亦都算好食.
不过另外o个两份就有件搞笑事发生左. 话说细细佬要个镬仔牛柳配薯菜, 八成熟, 而爸爸要安格斯牛柳野菌配沙律, 全熟. 首先系细细佬话个牛柳熟过头, 唔似八成. 到我地食到中后段先发现, 爸爸o个份安格斯牛柳似系八成熟咁!! 佢地个两份牛柳可能o系落单时出错搞乱左. 而且个"安格斯牛柳野菌" 仲冇左"野菌", o个o的薯菜同杂菜个样都系有o的衰. 所以如果下次再食, 我会叫沙律!
可能系星期一, 又或者间餐厅一向都少侍应, 所以等左好耐先有人帮我地写要乜野餐茶, 又等左好耐个几杯餐茶先至到. 老实讲, 杯"暖"奶茶一o的都唔好饮! 冇乜奶, 唔热, 再加上o的茶又涩! 冻o个杯就好彩o的, 真系够冻又有冰o既! 希望下次o的餐饮会有改善, 如果唔系我都冇勇气去试佢地o的特色饮品.
我亦希望佢地o系卫生方面做好o的. 我地台上面个餐牌个底好湿, 搞到我拎完睇完之后要抹干对手! 食之前又有人o系我地附近扫地! 服务亦有进步空间. 除左叫餐茶时有o的慢之外, 我地一早就已经饮完杯清水, 但全程并冇侍应帮我地加水. 唯一o个次系o系杯餐茶到左之后先至有加. 不过我饮左一两啖之后就o系个水杯度见到半粒柠檬核, 应该系o岩o岩加o既料. 但我地张台冇人饮过食过有柠檬o既野㖞!! 搞到我唔敢再饮水.
其实我觉得一人大约四十零蚊咁食都好抵. 只不过我觉得可以更好. 咁o既价钱同水准都值得再帮衬o既!
****
另文:
唔该Editor! 我有去过下面呢间餐厅, 但"开饭喇"冇佢o既记录. 我想写番篇讲下佢...
店名: 环保农庄餐厅Eco Farm Restaurant
地址: 大埔大尾笃61号地下A座
电话: 唔知, sorry.
应该算系食西餐o既. o的食品都几有特色, 同埋系冇用"师傅" o既. 一次每人消费约$30-$80.
张贴