大車特色小食

营业中

休息中

成日听啲同事食晏时会去柴湾角熟食市场，今日有朋自远方来同我食晏，对方又建议去啲有室外嘅地方食，我第一时间就谂住试吓呢啲喺香港谨存嘅熟食市场。一去到，冇咩揾食边间，而且呢间就系第一间舖，所以我同朋友都取其就脚，坐低咗。坐唔够10秒，有个阿姐走嚟系咁催我哋叫嘢食，目测当时呢个档都系得4台客，我哋话睇睇先，佢又唔行开，企喺度不停口叫我哋食呢啲、食𠮶啲。喺咁烦嘅情况吓，是但叫咗青咖喱鸡扒饭、冻柠茶。（阿姐仲即时话青咖喱好辣㗎㖞。我答佢青咖喱就系要辣先好食嘛！）朋友都冇时间谂所以都系是但叫咗餐蛋饭要豉油汁同冻斋啡。个碟头青咖喱鸡扒饭，汁稀....呈透明状嘅玻璃芡，食落完全冇咖喱嘅味道，更加别说辣。鸡扒干夹硬，仲要冇味。饭质有如比较干身糊仔，饭粒已经唔知放咗几耐，比正常饭粒大，好似浸到发咗咁。成碟嘢....汁、饭同鸡扒都系冻嘅，暖都唔暖吓，冇味。真系差到一个点。朋友食嘅更加不值一提，都系一个字冻！我就奉劝各位，可以不试。