四季煲仔飯

营业中

休息中

早排趁着天气仲凉凉地，打算喺天气热之前食多一次煲仔饭，咁啱喺油麻地行紧，唔使谂一定系去又庙街最出名嘅四季煲仔饭啦！平时去多数都非常之多人，但系当日去到呢有半个场都系冇人嘅，于是我哋就直接坐低，叫咗个我最钟意食嘅润肠同滑鸡，再加只蛋添。可能因为冇乜人，煲仔饭好快就上菜啦，上菜之后侍应姐姐都好友善咁话俾我哋听加完酱油要再焗一阵先好食。四季果然冇令我失望，条润肠非常之香，送饭真系一流呀！鸡肉就正正常常啦都系几滑嘅，对我来讲系煲仔饭上面嘅蛋同埋煲仔饭嘅豉油先系成个饭嘅精华，吉穿只蛋之后啲蛋浆流到成个饭都系再加埋另外加嘅蛋真系非常之好味😋四季仲有一个叫做鸭旦号饼嘅𩠌，睇落都非常之吸引，但系因为太饱冇叫到，下次一定要食到！