禮記自助蒸氣鍋 (已結業)

以前要到冬天先会食火锅，时至今日，火锅，蒸气锅店林立，真系一年四季都可以叹到火锅。上星期去左九龙湾总公司开会，有同事就介绍我去常悦道嘅”礼记”自助蒸气锅，叹下D海鲜。 价钱相当超值成人$118,小童及长者$75，真系平到您唔信餐厅相当宽落、坐得非常舒适、一D都唔逼佢地有自助蒸气锅同自助火锅两款给客人选择，而我地就钟意蒸气锅，每枱仲奉送海鲜一客，包括 海中虾……虾肉晶莹通透，相当新鲜，爽口弹牙。 石贝……好大只，唔会有沙，肉质鲜味。 蚬……蒸熟后，蚬盖打开，蚬肉鲜甜无比。 另外，其他锅料亦相当齐全，各类丸食，猪牛羊相当齐全，特别系鲩鱼腩，非常新鲜，鲜甜无比。呢餐食得相当满足，价钱实惠，所以值得推介俾各位一试。