川上龍 (已結業)

近排天气闷热，好想食吓辣嘢，刺激一吓味蕾！今日就带埋同夏天一样咁惹火嘅A姐，去到尖沙咀中达大厦食以川菜出名嘅川上龙啦！餐厅环境光猛，空间感十足，坐低已经觉得好舒服呀！而餐厅嘅设计，以至餐牌都好有中国风，单从设计，已经知道店主系一丝不苟嘅人啦。今日一于同A姐有咁辣食咁辣，开始我哋嘅火辣晚餐啦！胡椒金钱肚头盘嘅金钱肚作为今日火辣之夜嘅热身！牛肚爽脆，胡椒味香，几开胃。鱼香茄子石窝饭川式煮法嘅鱼香茄子同港式嘅大为不同，味道除咗比较辣，酱汁亦都无咁油，仲有大量入晒味嘅茄子。而用上石锅嚟上枱，除咗保持𩠌菜嘅温度之外，钟意食饭焦都啱晒㗎！而最惊喜系用上炒饭取代一般白饭！糯米蟹嚟到今晚嘅重点一：糯米蟹！呢只蟹够晒大只，肉质鲜甜，蟹膏十足！而最重要嘅系，呢个菜只系微辣，但又唔会盖过蟹嘅鲜味！至于糯米饭底用上蟹膏嚟炒，带有少许蟹嘅味道！水煮桂花鱼至于我哋今晚慕名而嚟，就系为咗佢！呢个水煮鱼，系我哋食过最滑嘅水煮鱼！师傅用上新鲜嘅桂花鱼，加上巧手嘅刀工，件件鱼都无骨架，真正啖啖肉！而且麻同辣都好有层次，一啲都唔油腻呀！真系值得推介！