天府人家

营业中

休息中

今日约咗班小学同学黎到湾仔"天府人家"食四川菜, 提到四川菜又点少得食辣, 原先谂住食麻辣边炉, 但因为有小朋友, 又有唔舒服既大朋友所以我地转食小菜。我地呢班同学都算好钟意食辣, 虽然冇咗麻辣㶽, 但我地并无放弃食辣, 7个大人2个小朋友, 三大道辣菜,水煮桂花鱼,水煮田鸡同口水鸡, 仲有酸菜桂花鱼, 盐水鸡, 芙蓉三鲜, 竹笙翡翠苗, 粗粮西洋菜同其他包饺。先讲水煮桂花鱼同水煮田鸡, 望落个样同味道辣都无分别, 辣中带有很重麻香味。桂花鱼好滑无骨啖啖肉, 易入口。平时我唔食田鸡, 但得三个食唯有试下, 留番D唔辣既比其他人, 又比我想像中OK, 有D似鸡肉, 我又接受到。其实除咗主食鱼同田鸡外, 窝里面既薯粉系会令食不停, 每条薯炒都包有麻辣味, 。虽然枱上有其他食物, 但原来我全程只系食咗水煮同酸菜桂花鱼, 由于个口水鸡辣味无水煮咁重, 所以我只食咗一嚿。今次每人承惠$290, 食咗咁多, 服务又唔错, 环境仲几企理, 都值呢个价。