川婆婆 (東廣場)

营业中

休息中

观塘有唔少隐世小店，呢间位于东广场，主打多款特色川菜料理，集合酸菜系列、水煮系列、泡饭系列、饭餐系列、自选粉面餐等，最紧要系大件夹抵食，OL们又有多个选择啦～粉面餐可以按个人喜好选择主食同配菜，相对嚟计款式比出边多元化，肉类丸子同菜品都叫咗几款试试，估唔到简单料理可以做到如此出色，究竟系来货问题定系厨师好呢🤣牛肋条、牛颈脊、猪肉片、肉味突出，肥瘦适中，啖啖肉好滋味。韭菜饺自家制，外皮够薄，馅料饱满，韭菜味香浓，两粒实在太少啦。手打牛筋丸，爽口弹牙，咬落爆汁，真材实料。汉堡扒有一大块，薄身唔油腻，咸咸香香、芝士肠似系普通肠仔，相对之下无咩特别。白萝卜吸满汤汁而且完全无渣，皇帝菜同白菜仔同样新鲜又鲜甜。包仔豆腐味道清淡，强烈建议连同凉拌皮蛋一齐食，辣辣哋好过瘾！