味川小廚 (已結業)

老公返工既日子，同老爺，奶奶，囝囝，大伯，兒甥仔—齊食飯去—間己經聽幾個朋友都話好味既味川小㕑,點了—個招牌鍋，但因小朋友及老爺，奶奶不食辣的，店內侍應建議我地點鴛鴦鍋$98，—邊四川麻辣雞鍋，—邊竹笙清湯雞鍋，—個鴛鴦鍋可選半隻雞，真係太好，因為朋友話店內仲有其它火鍋配料叫都係好鬼正㗎！ 首先我哋講下個四川麻辣鍋先，食落同其它的麻辣鍋有D吾同，因為佢既麻是好夠味，但又唔會嗆喉，以為佢會落好多花椒，但撈個底又只有十多粒綠青色花椒,問清楚原來連湯底既調味係從四川嚟既，所以好夠味。跟佳竹笙清湯鍋，味道很清很鮮甜，D雞又滑又有雞味，個個勁讚好味。 然後點火鍋配料，店員推介手切牛—碟$128很大碟，6個都食牛肉都剛剛好，牛味好濃又滑 正。仲有鱷魚尾$68初初有D驚，但係—食落囗，嘩，好有囗感。好鐘意食，唔知係咪對呢問鋪有好感呢!覺得連食隻烏冬都好味過人！哈哈— 最後D野咁好食，忍唔住再點幾味小菜，清蒸荀殼魚，很滑，很新鮮。豆腐琵琶蝦$68，特別。黃金白飯熏，炸得好香。 好開心呀!今日去間味川小㕑，每一樣野都咁好食！店員又好，又唔貴。下次—定會再黎食！