團日式拉麵

营业中

休息中

近排疯狂去食拉面，难得嘅中同聚会都俾我说服左去食拉面。旧同学系有呢种情谊。荃湾系由细玩到大嘅地方，知道有一间拉面店引入左日本嘅自动卖票机，就同班同学一齐黎打铺机。主打系四款唔同口味嘅拉面：鱼介／辛辣／黑蒜油／樱花虾。本来四个人各一碗啱啱好，但错估左大家嘅口味，只拣左樱虾及辛辣味。可惜系追加配料时只有’’替玉’’即系加面可拣，唔系就可以将碗拉面DIY得更丰富了。反而饮品就有更多选择，全部由日本进口有啲更系连日货店都少见嘅口味。汽水配拉面，即刻谂返起系东京旅行嘅感受。大家不约而同都拣左啲清爽口味嘅果汁汽水。拣左支信州林檎50%－苹果汽水，入口冰冻酸甜，用黎配油腻感重嘅拉面就正好合适。樱花虾拉面。大量洒系面嘅樱花虾除左令拉面香气提升之外，搅拌落汤底更添味道及口感。面底拣左曲面，食落偏硬身爽口，加上挂汤效果一流边食可以边吸收浓郁汤底味道。唔错。溏心蛋接近七成熟，所以流心之余仲有啲绵滑口感，亦几有蛋香味。叉烧好大块，肥瘦相间得宜所以咬落去好好食。叉烧油脂经过火枪炙烧后逼晒出黎，除左香口仲有啲筋肉嘅咬劲。试左啖朋友嘅辛辣汤底，味道又唔算咁辣。反而辣椒香味好出尤其有微微花椒嘅香味，感觉汤底都混合左不