影片
更多
2014-07-08
1631 浏览
屈指一算，小弟已经帮衬咗刘森记十多年，由老店帮衬到新店，口味依然，价钱亦非常合理。佢地最出名嘅系自家制竹升面，面质弹牙，无枧水味，而家好少地方有得食。第一次同 J 大人一齐嚟，梗系推介无乜人识得叫嘅「四拼面」。由于餐牌上只有三拼面嘅关系，所以无乜人知道有四拼面。话说小弟点样会发现有四拼面呢?事源因为小弟昔日太为食嘅关系，样样𩠌都想叫，所以多口问问阿姐可唔可以叫四拼，所以先发现有得叫。单拼面 $33 +每个𩠌 $5 ，如此类推，四拼面就系$48。今次我叫咗虾子牛根猪手云吞捞面$48，而 J 大人就叫咗虾子牛根猪手水饺捞面$48。大家等d面煮紧嘅时候，记得要试下台面嘅酸萝卜，味道啱啱好，少少酸，好爽脆，见到d辣椒唔驶惊，因为唔辣嘅。登登登登，碗面终于嚟啦。虾子劲多，好似唔驶钱咁，就黎见唔到d面，好香;牛根好腍好入味，仲有四条添;猪手好腍，有两大嚿;云吞三粒跟汤另上，用料足，虾非常之弹牙。你话嘞，咁足料，边度揾呢？美中不足系当日有d小蚊滋间中骚扰下我哋，但系情况都可以接受嘅。
第一次同 J 大人一齐嚟，梗系推介无乜人识得叫嘅「四拼面」。由于餐牌上只有三拼面嘅关系，所以无乜人知道有四拼面。话说小弟点样会发现有四拼面呢?事源因为小弟昔日太为食嘅关系，样样𩠌都想叫，所以多口问问阿姐可唔可以叫四拼，所以先发现有得叫。
单拼面 $33 +每个𩠌 $5 ，如此类推，四拼面就系$48。今次我叫咗虾子牛根猪手云吞捞面$48，而 J 大人就叫咗虾子牛根猪手水饺捞面$48。
大家等d面煮紧嘅时候，记得要试下台面嘅酸萝卜，味道啱啱好，少少酸，好爽脆，见到d辣椒唔驶惊，因为唔辣嘅。
登登登登，碗面终于嚟啦。虾子劲多，好似唔驶钱咁，就黎见唔到d面，好香;牛根好腍好入味，仲有四条添;猪手好腍，有两大嚿;云吞三粒跟汤另上，用料足，虾非常之弹牙。你话嘞，咁足料，边度揾呢？美中不足系当日有d小蚊滋间中骚扰下我哋，但系情况都可以接受嘅。
张贴
