Promenade 西餐廳

营业中

休息中

今日屋企人生日谂住去呢间四星级嘅酒店食自助餐，因为之前都有啲同事推荐过，原本我book咗晏就嘅，但系有啲突发事就打去改下时间，点知打到去呢间都会海逸酒店嘅自助餐部，接电话个人嘅态度急，又无耐性，我知道我哋突然想改晏就系太急，佢话净系净翻门口位得唔得，但因为屋企人生日我想安排佢哋尽量帮我安排一个好啲嘅位比我哋，但系接电话个个位小姐都未听我讲哂，就插句嘢落嚟问我「6:30入座你几点入座」，声仲要比我嘅语气大声，我觉得呢个服务态度同食茶餐厅无咩分别，我比得600几蚊系嚟消费同享受下啲服务，点知比我嘅感觉完全系无咗四星级应有嘅嘢，我未食之前都睇咗好多openrice内嘅负评，我本来都唔信，但听完呢个电话后，就比我感觉到接落嚟餐厅入面嘅态度都差唔到好多。希望佢哋真系可以改善下，要客人俾咁嘅价钱就比翻啲应有嘅服务水准。