影片
更多
2022-04-11
309 浏览
四月, 期望恢复饭聚. 话说早前入谷, 原为望梅止渴, 最后大开眼界, 食寿司都可以咁专业, 我钟意! 谷友好多推介都属于 “预约困难店”, 我就真系搞唔掂. 食嘢讲缘份, 咁啱睇中Suzuno, 又订到位, 又唔使落订金. 我已经加咗入 “我的最爱” 🥰.今日系四月初访. 其实已经订咗位四月尾再访, 希望到时限聚如预期解封. 餐厅设有一张L型吧枱. 邓师傅一打十. 今日点咗十二贯寿司套餐, $680+10%.🍀 前菜: (1) 水菜沙律莲藕. 水菜新鲜, 配埋屈机酱一定好食. (2) 南蛮渍. 南蛮渍原来系一种传统烹调方法, 听讲由葡萄牙人传入. (3) 蒸蛋. 够热, 味道略淡.🍣 第一件... 赤矢柄, 鹿儿岛. 个超长嘴, 用嚟食石罅中间嘅鱼仔. 味道Ok, 睇好过食. 😂第二件... 间八. 结实, 鱼味不俗.第三件... 金目鲷. 鱼皮用热水渌熟咗. 鱼身油脂较多. 个人唔特别钟意鱼皮嘅口感.🥰 第四件... 一本钓池鱼. 系钓嘅, 唔系用网捕嘅. 肉质结实, 肥美. 加咗少少姜茸, 配合得天衣无缝. 感觉少少似食秋刀鱼. 今餐惊喜之一.第五件... 关鲭. 充满油脂. 好
今日系四月初访. 其实已经订咗位四月尾再访, 希望到时限聚如预期解封. 餐厅设有一张L型吧枱. 邓师傅一打十. 今日点咗十二贯寿司套餐, $680+10%.
🍀 前菜: (1) 水菜沙律莲藕. 水菜新鲜, 配埋屈机酱一定好食. (2) 南蛮渍. 南蛮渍原来系一种传统烹调方法, 听讲由葡萄牙人传入. (3) 蒸蛋. 够热, 味道略淡.
🍣 第一件... 赤矢柄, 鹿儿岛. 个超长嘴, 用嚟食石罅中间嘅鱼仔. 味道Ok, 睇好过食. 😂
第二件... 间八. 结实, 鱼味不俗.
第三件... 金目鲷. 鱼皮用热水渌熟咗. 鱼身油脂较多. 个人唔特别钟意鱼皮嘅口感.
🥰 第四件... 一本钓池鱼. 系钓嘅, 唔系用网捕嘅. 肉质结实, 肥美. 加咗少少姜茸, 配合得天衣无缝. 感觉少少似食秋刀鱼. 今餐惊喜之一.
第五件... 关鲭. 充满油脂. 好食!
富山炸白虾. 食到尾都仲脆. 赞!
第六件... 白虾, 富山. 味道唔错. 略嫌偏冻.
第七件... 甘海老. 一啖食晒三只虾, 口感澎湃. 鲜甜, 胶口.
第八件... 水八爪鱼. 吸盘爽口. 八爪鱼身口感似鱿鱼, 有咬口.
🥰 第九件... 赤贝, 佐贺太良町. 非常厚身, 爽甜. 今餐惊喜之二.
🥰 白虾真丈. 用白虾做嘅虾丸, 超级好食.
昆布渍白虾. 少少似虾胶或 “他他”. 师傅话昆布俾到味道, 仲会吸水, 令白虾味更浓郁. 呢件系今日白虾四食嘅最后一食.
第十件... 拖罗. 十分肥美. 落盐, 唔用酱油. 成功提升到鱼味. 我几钟意呢个处理方法.
🥰 第十一件... 吞拿鱼酱油渍. 味道浓郁. 滑溜. 一流! 今餐惊喜之三.
第十二件... 海胆, 根室市. 鲜甜. 今日十位客人食哂.
🥣 面豉汤. 够热, 好好饮.
☕️ 最后有橙汁或㗎啡. 橙汁呢个选择有少少搅笑, 都系拣咗咖啡.
🤗 总结一下: 师傅用心讲解各鱼料食材, 又展示长咀嘅赤矢柄及八爪鱼脚, 带动气氛. 食材属水准之上. 多件寿司都有惊喜, 包括池鱼, 赤贝, 吞拿鱼酱油渍, 仲有白虾真丈! 午市只做一轮生意, 用餐时间大概两小时, 唔使赶头赶命, 体验及性价比加分. 我已经将 Suzuno 加咗入OpenRice 嘅 “我的最爱” 收藏分类.
张贴
