廚十三老壇酸菜魚 (渣甸街) (已結業)

以前好中意去中国食太二酸菜鱼，原来香港呢间厨十三系太二班底😍😍，唔怪得咁熟悉！之前去荔枝角分店都唔知添！今次就试下cwb 分店！一去到就派胶袋for 放口罩，贴心衞生。每枱都有一樽茶，我地一去到就叫定嘢饮，因为惊阵间啲嘢太辣，叫左酸梅汤同柚子蜜梳打，透心凉！头盘点左泡椒凤爪，肉质唔会过腍过硬，仲有点弹牙，泡椒味道好麻，又不会太辣，热身一流！跟住就到灵魂酸菜鱼，我哋叫咗二人份，小辣。配菜就拣左红薯寛粉、豆卜、腐竹、餐肉。先饮一啖汤，果然系太二酸菜鱼嘅味道，都系我哋最钟意嘅重麻，然后𠮶阵辣慢慢侵占味蕾。鱼肉啖啖肉非常嫩滑。豆卜当然系吸饱汤汁，而我最中意系食红薯粉，又滑又烟韧。食食吓见到厨师推介避风塘鱼柳，虽然都系鱼，但系炸鱼，所以都谂住一试。一上枱，真系一把汗，劲多辣椒，食鱼柳反而就冇想像中咁辣。但系煎炸𠮶种镬气配上淡淡嘅麻辣，好正。最后叫咗麻辣牛展，呢个真系打大佬，好辣，要不断饮嘢，不过都食到牛展味，推荐食得辣嘅朋友嚟食。