影片
更多
2011-09-09
309 浏览
引言︰失踪人口离奇现身，仲要系大寿日子，紧系要谂谂食乜好。大寿既选择系中餐，好唔简单就决定左黎得龙，电视节目介绍左N次，坚系想黎食好耐，就今次搅大寿黎呢到食。食物︰鸭脚包，系今次我觉得最好的一款，除左有第一次食既惊艳，味道其实都好唔错，馅料有叉烧，肝，同鸭肠，食落层次真系几丰富。当然睇睇馅料都知呢旧野同另一名物金钱鸡一样邪恶，不过真系好唔错。旧野又邪恶，又唔系到到有得食，一场黎到真系要试试。金钱鸡，叉烧同冰肉都够爽脆，好有咬口。鸡肝就有点滞，三个味都做得好平均，好食的。早前系澳门8餐厅食过的鹅肝金钱鸡，个人就更为喜欢，可能鹅肝比鸡肝更吸引吧。佛跳墙，系失踪人口指定要食的，四人份量料都一大兜，应该都够足料，味浓浓，不过我真系唔识欣赏亦唔识咩系佛跳墙，唔再多讲。脆鳝炸奶，有两款炒奶，一系炒牛奶一系炸奶，今次试左个炸鲜奶，炸得几唔错，皮薄薄，入面奶又刚好，好食的，出奇的系非常配合自带的甜酒。鳝真系好脆，脆得有点过份，不过干身了点，食落真系麻麻地。咖哩牛尾，好似系到食有点混吉，不过今次就混左个惊喜，牛尾胶胶地，带点咸香，冇俾咖喱味盖过，真系几好味。咖喱就真系唔好当食印度式咖喱，个味系预计得到的
失踪人口离奇现身，仲要系大寿日子，紧系要谂谂食乜好。大寿既选择系中餐，好唔简单就决定左黎得龙，电视节目介绍左N次，坚系想黎食好耐，就今次搅大寿黎呢到食。
食物︰
鸭脚包，系今次我觉得最好的一款，除左有第一次食既惊艳，味道其实都好唔错，馅料有叉烧，肝，同鸭肠，食落层次真系几丰富。当然睇睇馅料都知呢旧野同另一名物金钱鸡一样邪恶，不过真系好唔错。旧野又邪恶，又唔系到到有得食，一场黎到真系要试试。
金钱鸡，叉烧同冰肉都够爽脆，好有咬口。鸡肝就有点滞，三个味都做得好平均，好食的。早前系澳门8餐厅食过的鹅肝金钱鸡，个人就更为喜欢，可能鹅肝比鸡肝更吸引吧。
佛跳墙，系失踪人口指定要食的，四人份量料都一大兜，应该都够足料，味浓浓，不过我真系唔识欣赏亦唔识咩系佛跳墙，唔再多讲。
脆鳝炸奶，有两款炒奶，一系炒牛奶一系炸奶，今次试左个炸鲜奶，炸得几唔错，皮薄薄，入面奶又刚好，好食的，出奇的系非常配合自带的甜酒。鳝真系好脆，脆得有点过份，不过干身了点，食落真系麻麻地。
咖哩牛尾，好似系到食有点混吉，不过今次就混左个惊喜，牛尾胶胶地，带点咸香，冇俾咖喱味盖过，真系几好味。咖喱就真系唔好当食印度式咖喱，个味系预计得到的，个咖喱牛尾跟个蒜蓉饱，上枱唔系热脆，蒜蓉亦唔够多，多少少蒜蓉会更好的。
砵酒焗桶蚝，蚝食落麻麻地，个味都好普通，印象中跑马地彭庆记做呢味几精彩，睇黎都要揾日去会一会佢。
咕噜肉，见好多人都介绍呢到既咕噜肉，食落特别位系几少了一般既醋酸，肉系稳阵地脆，食落亦松软，不过始终食开味浓浓既咕噜肉，如果山楂下得重手点可能会更岩我。
啫啫芥兰，要点菜食下，其实无咩好讲，通常都系叫店方介绍是日咩菜，简简单单就好。招呼我地位阿哥，介绍咩菜都系要啫啫上，话多点惹味，啫啫菜确系几惹味。
服务及环境︰- 环境系老店一间。
- 服务真系可以俾满分，又换碟又主动加茶，仲要放好位俾我地影相，系满意的。仲要专招呼我地位阿哥，我地同佢开玩笑，都同我地讲句唔紧要，最紧要开心，呢句我buy。
抵食度︰
- 上面系四位食，每位$250，自己计计抵唔抵。水准很好，我就觉得几抵。
- 另一抵系免开瓶。
总结︰
最紧要开心，食物好，人脚好，高高兴兴食餐饭。
张贴
