火狐爐端燒 (已結業)

好耐无去过荃湾四坡坊，本来想带朋友去食米线，点知佢条人龙排到两个铺位外，风又大，怕友人发脾气，见到旁边有间日本风小店主打炉端烧，似乎唔错店舖小小，有日式小店风味，店内有好多日本电影海报。座低冇耐就送上餐前小食，牛蒡渍蒜头渍及方块蟹子，配酒一流。先点了胡麻秋葵作为前菜清一清，胡麻酱香浓，配合鲣鱼片及清凉水嫩秋葵炉端烧点了大葱鸡肉及豚肉荔枝此为炉端烧必点之选，鸡肉份量多而嫩滑，有肉汁，酱汁唔太咸，味道刚好，大葱外皮焦香，内里甜嫩。等待系有价值嘅原粒荔枝被五花腩片包裹烧制，香甜荔枝甜度增加，腩片油花被烧走，只留下香少了油腻感。然后就系和牛芦笋炒饭，估唔到小店炒饭份量有咁多，肉及芦荀每口都有，日本米粒粒分明。最后系喜知次一夜干喜知次系捕获后难以存活嘅鱼，但一夜干就可以保存到佢口感，食味。这条小小嘅喜知次，成为今晚嘅压轴确实唔错。