影片
更多
2010-10-24
40 浏览
17-10-2010呢幢商/食厦的日本餐厅只试剩 7 楼及 18 楼, 是日唔想食生冷嘢, 捉了朋友先试 18 楼呢间. Set lunch 可选两款食物, 另配前菜, 渍物, 白饭 (可免费添加), 味噌汤, 甜品及餐饮, 结果 2 人叫了 4 款不同的熟食, 完全系「四𩠌一汤, 白饭任装」前菜系木鱼汁腐皮 (系咪叫「生汤叶」?), 质地滑溜但咬落又几爽口, 豆味香, 配上清甜的汤汁, 冰冰凉凉, 感觉十分清新, 正 渍物只食了牛蒡, 够冰凉爽脆, 味道先少少咸后带点甘苦, 一般啱口味; 另见朋友食萤光黄色渍大根咬到「确确」声, 应该几脆口吧.冷豆腐配唔知乜嘢菜: 够滑的, 豆味强劲, 配上少少另上的酱油及堆满面头的木鱼丝, 当然多一份咸香, 几好食; 唔知乜嘢菜 (事隔太耐, 唔记得了, 哈哈...) 的茎部分好幼, 食落味道有点似菠菜, 又带点西芹𠮶只爽脆, 唔知系乜?杂菌烩鸡肉丸: 鸡肉丸蘸粉炸过, 食落外皮带点烟韧, 中间就软软腍腍;「杂菌」以金菇及灵芝菇为主, 芡汁就好杰又黏黏的, 果然系「烩」呀吓 , 捞点姜茸 (!) 感觉叫无咁腻 /「黐」, 不过整体实在太「中
17-10-2010
呢幢商/食厦的日本餐厅只试剩 7 楼及 18 楼, 是日唔想食生冷嘢, 捉了朋友先试 18 楼呢间. Set lunch 可选两款食物, 另配前菜, 渍物, 白饭 (可免费添加), 味噌汤, 甜品及餐饮, 结果 2 人叫了 4 款不同的熟食, 完全系「四𩠌一汤, 白饭任装」
前菜系木鱼汁腐皮 (系咪叫「生汤叶」?), 质地滑溜但咬落又几爽口, 豆味香, 配上清甜的汤汁, 冰冰凉凉, 感觉十分清新, 正
渍物只食了牛蒡, 够冰凉爽脆, 味道先少少咸后带点甘苦, 一般啱口味; 另见朋友食萤光黄色渍大根咬到「确确」声, 应该几脆口吧.
冷豆腐配唔知乜嘢菜: 够滑的, 豆味强劲, 配上少少另上的酱油及堆满面头的木鱼丝, 当然多一份咸香, 几好食; 唔知乜嘢菜 (事隔太耐, 唔记得了, 哈哈...) 的茎部分好幼, 食落味道有点似菠菜, 又带点西芹𠮶只爽脆, 唔知系乜?
杂菌烩鸡肉丸: 鸡肉丸蘸粉炸过, 食落外皮带点烟韧, 中间就软软腍腍;「杂菌」以金菇及灵芝菇为主, 芡汁就好杰又黏黏的, 果然系「烩」呀吓 , 捞点姜茸 (!) 感觉叫无咁腻 /「黐」, 不过整体实在太「中华风」了, 唔啱食.
「本日烧鱼」盐烧鲷鱼: 鱼皮烧得极薄脆, 不过鱼肉就较干嚡了, 蘸了酸汁帮助都不大, 睇嚟鲷鱼都系生吃较好? 旁边的蕃薯就十分软糯, 不过就甜到甩牙
红酒汉堡牛肉: 汉堡牛肉「球」打得松软, 肉味香, 不过最正绝对系酱汁, 虽然带少少(红酒𠮶只)苦涩, 但味道实在浓缩咸香, 令人谂起东京たいめいけん半熟卵盖饭旁边的牛肉汁, 正 到呢度 d 饭已食得七七八八而且几饱, 但结果系添了大半碗饭, 为的就系要食埋 d 汁 , 值得试试.
白饭简简单单, 不过日本饭煮得烟韧食落又富米香, 唔使我再解释好唔好食吧.
细细碗味噌汤劲热, 最后用嚟暖暖胃最好, 呢度的味浓而不咸, 完全唔会口渴, 不错㖞.
甜品系 peach 配呍呢嗱雪糕: 新鲜 peach 清香多汁又香甜; 不过呍呢嗱雪糕更不得了, 质地极滑, 食落呍呢嗱味极香, 正 唔知系乜牌子0架呢? 还是系自家制?
热咖啡: 店员推介呢度的咖啡比出面「靓 d」, 斋饮的确浓而不苦, 落 cream 落糖后就够晒香滑, 满足.
食物精致, 配套亦十分好, 每人放低约 $170, 会再来的 -- 唔知几时有机会夜晚来食怀石?
张贴
