回味館 (已結業)

今日专登落元朗嘅，3点几仲未食晏要揾食咯，想快有得食唔使等位，想起平靓正之选。。。回味馆！天气热当然系要补充水分流失，所以点汤饭跟中汤蚝仔肉碎汤泡饭搭个青红萝卜菜干汤第一时间饮啖个中汤先，嗯。。。其实正常味，无乜特别。再来就开波啦，呷一啖蚝仔汤，出事啰！好鲜味呀！汤底好浓郁，好劲蚝鲜味，觉得疑似用鱼汤托底！加埋少许冬菜、唐芹、姜片，个汤嘅味道即时Rich爆，蚝仔同肉碎都份量唔少，仲有几粒杞子做点缀，大厨真心有heart！