回到味來 (已結業)

上openrice睇到个名咁得特别，就被吸引而黎，睇下点样带大家回到「味」来。火锅汤底选择都几多，老板主力介绍【药饍红烧肉同当归鸭】赠送小食- 窃带，酸酸辣辣，非常开胃。师傅手调酱料，老板仲建议7成酱油，3成香料嘅比例系最好，同埋加啲白醋可以消除油腻感，相当贴心。汤底方面，我地拣左个店舖招牌汤底，药饍红烧肉。汤底材料十足，药饍味很重，牛肋条炆完再炒香，非常入味，而且炆得又够淋，超级好味，极力推荐!食完成个人感觉热辣辣。手切牛颈脊油花遍布均匀，肉质超嫩，牛味很香，卖相又吸引。手打墨鱼面，宜家唔系好多舖头有得食，难得一见，必得要点啦，墨鱼面烟韧爽口弹牙，墨鱼又新鲜。必食推介- 正宗汕头牛根丸100%纯牛肉 & 正宗汕头牛饼100%纯牛肉加牛饼，全港首创! 全部用牛大腿肉而制，牛味香浓，爽口超弹牙! 口感丰富鱼皮饺新鲜，粒粒精美可口。打边炉又点可以唔饮啲野，点左个来自法国百年苹果酒同Vodka Pineapple，酒味唔会太重，但有点点果香味。甜品姜茶水中花，系豆腐花拼姜汤而成，卖相超吸引，师傅刀工很好，豆花花瓣一片一片的在姜汤中荡漾。