回到味來 (已結業)

今次黎左mk新城3樓既回到味來食雞煲，雞煲選擇有辣同唔辣選擇，不過店員一黎無問到我地食辣定唔辣，就俾左煲辣既我地，好在店員話食唔到辣可以換，之後就換個煲唔辣既俾我地，雞煲既雞係任食既，食完唔夠可以再加，我地食完之後轉左蕃茄湯底再打邊爐，個煲可以換左新既，甘就無甘油啦～蕃茄湯底既配料可以响出面自助吧度拎食物，有好多食物選擇，仲有兩個盒分別係裝自制響鈴同魚皮，自己食幾多夾幾多，仲有自助調味吧～醬汁自己溝同加~魚皮好大塊嫁~仲有好多款任飲汽水响雪櫃度。仲有好多串燒即點即燒俾你，食幾多劃幾多，串燒全部都加左孜然粉調味，令串燒香口一點。不過制作需時，唯一問題係餐廳既串燒份量有d少同細串甘。同埋座位比較窄。