影片
更多
2018-09-26
743 浏览
已经有好几年都冇食过鸡煲喇,心血来潮又想一尝鸡煲嘅滋味,竟然俾我上openrice揾到呢间地点方便嘅舖头,又可以食鸡煲兼可以打边炉食牛牛,仲唔一次过满足哂两个愿望!!!店舖喺旺角新城嘅三楼全层,又方便又唔会难揾,上到嚟安排好座位之后,发现呢间火锅店别有洞天,绝对系旺中带静嘅一处,两个人坐卡位非常舒服,够哂濶落。落单纸都算简单,一张纸底面两页已经包含哂食物种类,所以两个人都唔难作出决定点菜。递上点单纸之后,职员就会送上呢个调味盘过嚟俾我哋随意拿取,有芫茜+蒜蓉+辣椒+炸蒜+葱花+唐芹六款,另外仲有醋同豉油。数分钟之后,黄焖鸡煲($158蚊)随即送上...因为我哋得两个人嘅关系,所以我哋觉得叫半只就够喇。职员哥哥放落去个炉之后话焗多两三分钟先,佢会再过嚟帮忙,然后佢一再打开盖已经听到滋滋嘅油弹声,再炒几下发出浓浓嘅香味...哗~大家可以起筷喇
里面啲鸡好足料,无论鸡翼,鸡胸,鸡颈,鸡脚连鸡翼尖都齐哂,鸡肉焖得好腍又入味,就算我哋唔叫辣,味道都已经够突出,热到辣口都想一旧接一旧咁继续食,肉质又够滑又惹味,另外仲有啲都系入哂味嘅秀珍菇咁,净系呢个头炮鸡煲已经令人极度期待嚟紧嘅火锅喇。肉类我哋叫
店舖喺旺角新城嘅三楼全层,又方便又唔会难揾,上到嚟安排好座位之后,发现呢间火锅店别有洞天,绝对系旺中带静嘅一处,两个人坐卡位非常舒服,够哂濶落。
落单纸都算简单,一张纸底面两页已经包含哂食物种类,所以两个人都唔难作出决定点菜。
递上点单纸之后,职员就会送上呢个调味盘过嚟俾我哋随意拿取,有芫茜+蒜蓉+辣椒+炸蒜+葱花+唐芹六款,另外仲有醋同豉油。
黄焖鸡煲(半只)
$158
18 浏览
0 赞好
0 留言
数分钟之后,黄焖鸡煲($158蚊)随即送上...因为我哋得两个人嘅关系,所以我哋觉得叫半只就够喇。职员哥哥放落去个炉之后话焗多两三分钟先,佢会再过嚟帮忙,然后佢一再打开盖已经听到滋滋嘅油弹声,再炒几下发出浓浓嘅香味...哗~大家可以起筷喇 里面啲鸡好足料,无论鸡翼,鸡胸,鸡颈,鸡脚连鸡翼尖都齐哂,鸡肉焖得好腍又入味,就算我哋唔叫辣,味道都已经够突出,热到辣口都想一旧接一旧咁继续食,肉质又够滑又惹味,另外仲有啲都系入哂味嘅秀珍菇咁,净系呢个头炮鸡煲已经令人极度期待嚟紧嘅火锅喇。
雪花肥牛
$168
15 浏览
0 赞好
0 留言
肉类我哋叫咗呢碟雪花肥牛($168蚊),职员嚟到嘅时候见到已经劲兴奋,呢碟牛嘅卖相超靓,鲜红得嚟又见到佢啲脂肪分布劲均匀,切得又薄,仲要份量够哂多,渌落去数一分钟多啲已经熟喇即食!!!一分价钱两分货,肥牛质素超哂班,收呢个价钱绝对冇取巧亦合理非常。肉质新鲜,入口嫰滑而不失牛香,肥瘦刚好又冇筋又冇渣,真系觉得顶瓜瓜呢
回到味来手打牛拼盘
$158
14 浏览
0 赞好
0 留言
回到味来手打牛拼盘($158蚊),可能我见识小我都未见过牛丸会咁样放喺个咁特别嘅云梯上面,充满艺术感之余又不失玩味。呢个拼盘系有手打牛肉丸+手打牛筋丸同埋手打牛肉饼,餐牌上面讲得冇错!绝对系必食推介嚟,手打牛丸扎实又弹牙,而牛筋丸就有咬口嚼劲,最特别就系切到薄片般嘅手打牛肉饼,有小小爽脆嘅感觉又充满牛肉嘅香味。三样食物无论口感同味道都系呢间店舖嘅独有出品,外面未曾容易尝到,真心推荐
炸鱼片头
$48
23 浏览
0 赞好
0 留言
阿肥必点嘅炸鱼片头($48蚊),阿肥一向都好钟意食鱼片头嘅,呢度呢碟新鲜即炸,啱啱好炸到金黄色,上碟嘅时候已经系热辣辣就咁食都得,渌落去打边炉就更加美味可口
大蚬
18 浏览
0 赞好
0 留言
职员话呢六粒大蚬系送架,好开心估唔到送嘅都咁鲜甜仲要唔系BB蚬
蔬菜拼盘
$58
16 浏览
0 赞好
0 留言
呢个蔬菜拼盘($58蚊)唔怪得之要等一段时间先送到嚟,见到即刻喜出望外,估唔到店舖会咁花心思咁样将啲菜堆砌成一个花篮出嚟,女士见到一定觉得超惊喜又心甜拼盘果然好丰富,有生菜+金菇+白菜+菜心+粟米之外,仲有好大只嘅冬菇,两个人实在够哂食,好满足
两个人埋单除番开每人大约三百零蚊,又有极品鸡煲又可以享受高质素嘅火锅料理,性价比十分之高,期待下次再嚟
张贴
