回到味來 (已結業)

回到味来-恶魔在鸡煲我身边总系有一个魔鬼朋友，每次系我嗌减肥既时候带我去食好野。由于我无辣不欢，朋友突登带我到「回到味来」试佢地既恶魔鸡煲。等上鸡煲期间，服务员已经急不及待地递上前菜-金蒜咸蛋蒸扇贝。扇贝非常大粒，粉丝吸晒d精华，非常入味。恶魔鸡煲顾名思义系指辣度，唔食得辣既朋友可以叫微辣，除咗鸡煲外，仲有卜卜砚供大家选择，鸡煲份量超足，两个人俾咗一只鸡既份量。食到咁上下，服务员会主动上前帮我地转打边炉，汤底方面都几多选择，唔系一般加清汤，而系成个煲换。最后我拣咗南瓜海砚汤，南瓜汤非常鲜甜，海砚冇带沙之余亦大只。另外，附送本地手切牛颈脊，净系睇油脂分布同色泽就知食得过，牛颈脊牛肉味浓，同时亦不失油香。同场有成60几款火锅配料，自助形式，总有一款会岩你。私心推介出面打边炉好少有得食既鹌鹑蛋。