影片
更多
2020-01-12
657 浏览
自己可以算是一个绝不偏食的人，对饮食亦有一定爱好及研究，终于的起心肝，第一次写下食评。 希望可以继续写落去啦！今日有啲特别事要落嚟土瓜湾，就去一去哥登堡餐厅，哥登堡系喺我小学同中学附近一间餐厅，N多年总算系高级餐厅，中学𠮶阵时食饭，如果冇 请，真系好小好小嚟食，后来我女都喺附近读中学， 我再同佢倾开，佢就话间餐厅都几抵食，通常唔想太过花费，就会考虑下食。 『唔到你唔认老！高级嘢都会变low! 』《2020-01-09 1300-1400》入返正题，今次过嚟食个Lunch, 叫咗个铁板套餐，旧港式西餐梗系要试下个咋咋声嘅铁板午餐啦！ 正直午饭时间，人唔算少，但系都唔系爆到泻， 招呼唔好有期望，但算合格仅仅𠮶只， 当然红汤先到（罗宋汤）杂菜料足， 有儿时餐厅味道，跟住个正餐都好快到，嚟到𠮶阵时有啲轻微失望， 铁板感觉并不太热，试落个意粉，亦只有少少暖的感觉， 黑椒味还好，但没什么特色，但牛柳认真要赞一赞👍🏽， 冧度适中不会煮得太熟， 亦唔切太多梳打粉、食粉腌过。牛味须一般但算合格，咁嘅午餐价钱，性价比已不错冇诈型。 最后餐饮叫了唔使再特别加钱嘅椰汁红豆冰，感觉好过用花奶少少， 但分别并不很
今日有啲特别事要落嚟土瓜湾，就去一去哥登堡餐厅，哥登堡系喺我小学同中学附近一间餐厅，N多年总算系高级餐厅，中学𠮶阵时食饭，如果冇[老细] 请，真系好小好小嚟食，后来我女都喺附近读中学， 我再同佢倾开，佢就话间餐厅都几抵食，通常唔想太过花费，就会考虑下食。
『唔到你唔认老！高级嘢都会变low! 』
《2020-01-09 1300-1400》
入返正题，今次过嚟食个Lunch, 叫咗个铁板套餐，旧港式西餐梗系要试下个咋咋声嘅铁板午餐啦！ 正直午饭时间，人唔算少，但系都唔系爆到泻， 招呼唔好有期望，但算合格仅仅𠮶只， 当然红汤先到（罗宋汤）杂菜料足， 有儿时餐厅味道，跟住个正餐都好快到，嚟到𠮶阵时有啲轻微失望， 铁板感觉并不太热，试落个意粉，亦只有少少暖的感觉， 黑椒味还好，但没什么特色，但牛柳认真要赞一赞👍🏽， 冧度适中不会煮得太熟， 亦唔切太多梳打粉、食粉腌过。牛味须一般但算合格，咁嘅午餐价钱，性价比已不错冇诈型。 最后餐饮叫了唔使再特别加钱嘅椰汁红豆冰，感觉好过用花奶少少， 但分别并不很大。
10分满分
形 7
色 6
香 6
味 7
速度 9
态度 6（按级数价钱来评）
装修 8 （怀旧嘢系要旧旧地先好）
整洁 5 （后栏厕所位扣咗啲分，有点脏）
性价比 9 （午餐论）
回头指数 7（个人情意结😁）
总分 : 70分
张贴