回到味來 (已結業)

好耐無食過放題啦，因為個人比較細食食放題好似唔係好抵咁。但呢間放題兩百零蚊一位，價錢就相宜啦，仲有得任食雞煲，串燒，仲有得打邊爐，有得食齊咁多嘢，細食都抵啦。我叫咗兩串串燒，台灣腸加雞翼。我對串燒就麻麻地，因為覺得有啲鹹，始終都無日式串燒店咁好味嘅。但味道都可以接受到。雞煲味道唔錯，肉質幾嫩，分量好多。打邊爐都有幾多配料選擇，我地都攞咗幾多嘢食，經典火鍋配料一應俱全，我就攞咗自己打邊爐邊食嘅配料：包括肥牛，魷魚，蓮藕，腐竹，魚皮餃，薯粉估唔到放題仲包台式飲品，我叫咗杯奶蓋綠茶，味道唔錯，唔會過甜