魚味市場居酒屋 (已結業)

或者好多人都会好似我咁，刚去完日本返来就已经会挂住当地食物，咁系因为虽然系同一道菜，真系会有好唔同感受，但今日喺香港，亦比我感受到日本的味道！刺身系我几乎到每间日式餐厅都会点，而呢度更加系我必食推荐！三文鱼刺身脂香味浓，入口感觉好唔同，呢种香唔系每个地方都食到，真有日本味道，而且肉质柔软，配上唔太攻鼻既生磨芥末，好好味！原只牡丹虾刺身肉质爽滑，入口咬落超甜，虾胶留在口腔散发甜味，推荐！朴叶炭烧牛柳粒十分惹味，牛肉肉质嫩滑，加上带黑椒和甜味烧汁，经典配搭系好味道！而且叶下有小火暖住食物，令热腾腾既烧肉味道保存得更好！配菜上更值得一提，冬菇香烤味十足，净烧冬菇已经好好味！咖哩吉列猪扒乌冬，同扑鼻咖哩气味相比，食落甜味较重，咖哩味不太浓，然后捞乌冬感觉唔错，乌冬烟韧度调教得刚刚好？外脆内软大大块猪扒，份量十足，大食如我都好饱！杂锦锅烧乌冬，蛤+虾天妇罗+蟹柳+鱿鱼+竹轮大杂烩！其中蛤同虾天妇罗最出色，蛤味非常鲜甜并吸收汤的甜味，令味道更上一层！脆炸既外皮配合鲜味十足既虾，百试不厌！汤底带寿喜烧的甜味，加上海鲜鲜味混合，用来送烟韧乌冬一流！