炊豕店 (威靈頓街) (已結業)

好耐冇食过台湾嘢食喇，今次同我台湾之旅嘅朋友仔去重温台湾之旅嘅感觉。两位大小姐话就话接我放工，但依旧不改迟到本色！我地黎咗呢间炊豕店，店舖面积颇大，很宽敞。店内嘅装修好有复古怀旧风格！用嘅系木台同埋以前中学嘅书台。连墙上都挂满八九十年代嘅报纸同埋海报，细看之下，内容竟是旧时香港报导。这令顾客彷佛置身于过去，回到那时的台湾和香港。我地3个人嗌咗2个主食同埋几个小食。辣味海蜇呢一道菜系我好钟意食嘅一道菜，佢嘅辣味适中而且好爽口。系猪扒饭呀！我地加咗炒滑蛋，觉得即刻香口咗好多！肉燥饭嘅酱汁好多！唔会觉得好干，因为2个饭，分享完捞埋一齐好香肉燥味。鸡翼即叫即炸，好香口，外脆内暖。仲有微微焦嘅芝麻味。正。