甜品堂 (已結業)

食完新潮tapas之后, 仲想同啲朋友倾下计, 上网就揾到呢间甜品店喇。甜品店以校园为主题, 座位系学校嘅枱同凳, 仲有个黑板喺墙上做menu, 写左有啲咩推介。装修都几得意。menu外表系以前读书时嘅单行簿, 贯切呢度嘅主题。Tiramisu: 卖相好得意, 好似一座小山丘。食落味道唔错, 甜味啱啱好, 咖啡味都香浓, 唯一美中不足系雪得太硬喇, 食到中心时, 好冰冻, 影响左成个甜品嘅口感。绿茶心太软配红豆雪糕: 热辣辣上碟, 切落去见到啲绿茶浆流紧出黎, 好满意, 收货。趁热食, 绿茶味唔算浓, 甜味适中。作为绿茶控嘅我会认为唔够绿茶味, 我比较钟意带有甘味啲绿茶甜品。红豆雪糕红豆味都足够, 唔太甜, 配埋心太软一齐食, 冰火口感, 正。麻糬窝夫配雪糕: 卖相唔错, 叫呢个窝夫完全比麻糬呢2个字吸引。窝夫淋上糖浆, 单食都唔错, 窝夫软身, 面满满麻糬, 食落好QQ, 都好满足。士多啤梨味雪糕同云尼拿雪糕都唔错, 仲有少少生果食! 如果窝夫系脆身就更好~